JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

BokMeldingar

Nicolai Houm tar pulsen på det samtidslitterære Noreg.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Nicolai Houm har skrive både romanar og barnebøker, og han har arbeidd som forlagsredaktør i mange år.

Nicolai Houm har skrive både romanar og barnebøker, og han har arbeidd som forlagsredaktør i mange år.

Foto: Julie Pike

Nicolai Houm har skrive både romanar og barnebøker, og han har arbeidd som forlagsredaktør i mange år.

Nicolai Houm har skrive både romanar og barnebøker, og han har arbeidd som forlagsredaktør i mange år.

Foto: Julie Pike

3404
20240614
3404
20240614

Roman

Nicolai Houm:

Hver torsdag klokken nitten

Tiden

Ein gammal kompis hadde det med å slenge på «sa brura» når han hadde levert ein replikk eller ein kommentar, og ofte var det morosamt og treffande fram til det punktet der alle visste kva som kom. Denne verbale klisjeen går att i Nicolai Houms nye roman Hver torsdag klokken nitten, og det er ein av dei ti deltakarane på kurset «Kreativ skriving i regi av Nicolai Houm» som stadig slår om seg med dette munnhellet. Det gjer at han på kurset berre blir kalla Sabrura.

Kursgruppa

Vi er i Drammen nokre månader før jul 2023, og vi endar opp i helsevesenet i januar 2024. Det som hender i denne perioden, får lesaren vite gjennom ein kollektiv vi-forteljar, stemma til Nicolai Houms kursgruppe.

Houm sjølv framstår som ein middelaldrande, nervøs, sliten, upåliteleg og litt forfylla kurshaldar med pengeproblem og vedvarande skrivesperre, ein som alltid kjem for seint og etter kvart har mindre og mindre å bidra med, fram til gruppa overtar styringa, med dei intrigane og konfliktane som ligg under ei jovial overflate.

«Romanen er eit produkt av overskot og skriveglede, fantasi og originalitet.»

Kursdeltakarane er forplikta til å levere tekstar til felles vurdering, og desse tekstane er fordelte utover i romanen som noveller innanfor ulike sjangrar frå western, krim og eventyr til sjølvopplevd tafsing i MDGs lokallag i Drammen.

Denne metoolinken går rett inn i det politisk dagsaktuelle der media støtt og stadig har oppslag kring godt vaksne politikarar som har problem med grensesetting overfor unge jenter i partiapparatet. Houm har også eit stikk til plagiatsaka kring Ingvild Kjerkhol, for ein kursdeltakar blir så inspirert av «Snøkvit og dei sju dvergane» at ho meir og mindre skriv av og leverer Grimm-eventyret som sin eigen tekst.

Språkleg variert

Dei ti kursdeltakarane, fire menn og seks kvinner, varierer i alder frå pensjonisten Margrethe ned til tenåringen Lukas, som fort kan likne på Oliver Lovrenski, pangdebutanten frå i fjor. Alle er svært skriveføre, takk vere Houm, og dei språklege variasjonane gir individualitet til kvar einskild.

Den turbankledde Satinder Singh slit med ei stor sorg etter at kona døydde. Han kjenner sin Morgan Kane når han går inn i westernsjangeren og tematiserer det meiningstapet han ber på. Kriminalnovella til Randi Helgerud har eit valdsnivå som fører tanken mot Jo Nesbø, mens Sabrura, som eigentleg heiter Lars Grønn, leverer ein tekst på kav dialekt frå Lier/Modum, «Utpå brøttet», ein tekst som denne lesaren opplever som Nicolai Houms hommage til Thure Erik Lund.

Korleis går det til slutt? Ikkje så bra for Lars Grønn, og heller ikkje så bra for romanfiguren Nicolai Houm, som har underslått kurspengar for å dekke private rekningar, og etter ei improvisert helgesamling på eit nedslite «høgfjellshotell» på Fagernes, er det heile over. Kursdeltakarane køyrer heim til jul, akkompagnert av Lars Grønns gjendiktning til nynorsk av «Driving Home for Christmas», mens Nicolai Houm blir køyrd til Gjøvik psykiatriske poliklinikk.

Hver torsdag klokken nitten er eit produkt av overskot og skriveglede, fantasi og originalitet. Det heile er uhøgtideleg, sjølvironisk treffsikkert og formidla med lun, innforstått og inkluderande humor. Tilrådd på det varmaste!

Oddmund Hagen

Oddmund Hagen er forfattar og fast bokmeldar i Dag og Tid.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Roman

Nicolai Houm:

Hver torsdag klokken nitten

Tiden

Ein gammal kompis hadde det med å slenge på «sa brura» når han hadde levert ein replikk eller ein kommentar, og ofte var det morosamt og treffande fram til det punktet der alle visste kva som kom. Denne verbale klisjeen går att i Nicolai Houms nye roman Hver torsdag klokken nitten, og det er ein av dei ti deltakarane på kurset «Kreativ skriving i regi av Nicolai Houm» som stadig slår om seg med dette munnhellet. Det gjer at han på kurset berre blir kalla Sabrura.

Kursgruppa

Vi er i Drammen nokre månader før jul 2023, og vi endar opp i helsevesenet i januar 2024. Det som hender i denne perioden, får lesaren vite gjennom ein kollektiv vi-forteljar, stemma til Nicolai Houms kursgruppe.

Houm sjølv framstår som ein middelaldrande, nervøs, sliten, upåliteleg og litt forfylla kurshaldar med pengeproblem og vedvarande skrivesperre, ein som alltid kjem for seint og etter kvart har mindre og mindre å bidra med, fram til gruppa overtar styringa, med dei intrigane og konfliktane som ligg under ei jovial overflate.

«Romanen er eit produkt av overskot og skriveglede, fantasi og originalitet.»

Kursdeltakarane er forplikta til å levere tekstar til felles vurdering, og desse tekstane er fordelte utover i romanen som noveller innanfor ulike sjangrar frå western, krim og eventyr til sjølvopplevd tafsing i MDGs lokallag i Drammen.

Denne metoolinken går rett inn i det politisk dagsaktuelle der media støtt og stadig har oppslag kring godt vaksne politikarar som har problem med grensesetting overfor unge jenter i partiapparatet. Houm har også eit stikk til plagiatsaka kring Ingvild Kjerkhol, for ein kursdeltakar blir så inspirert av «Snøkvit og dei sju dvergane» at ho meir og mindre skriv av og leverer Grimm-eventyret som sin eigen tekst.

Språkleg variert

Dei ti kursdeltakarane, fire menn og seks kvinner, varierer i alder frå pensjonisten Margrethe ned til tenåringen Lukas, som fort kan likne på Oliver Lovrenski, pangdebutanten frå i fjor. Alle er svært skriveføre, takk vere Houm, og dei språklege variasjonane gir individualitet til kvar einskild.

Den turbankledde Satinder Singh slit med ei stor sorg etter at kona døydde. Han kjenner sin Morgan Kane når han går inn i westernsjangeren og tematiserer det meiningstapet han ber på. Kriminalnovella til Randi Helgerud har eit valdsnivå som fører tanken mot Jo Nesbø, mens Sabrura, som eigentleg heiter Lars Grønn, leverer ein tekst på kav dialekt frå Lier/Modum, «Utpå brøttet», ein tekst som denne lesaren opplever som Nicolai Houms hommage til Thure Erik Lund.

Korleis går det til slutt? Ikkje så bra for Lars Grønn, og heller ikkje så bra for romanfiguren Nicolai Houm, som har underslått kurspengar for å dekke private rekningar, og etter ei improvisert helgesamling på eit nedslite «høgfjellshotell» på Fagernes, er det heile over. Kursdeltakarane køyrer heim til jul, akkompagnert av Lars Grønns gjendiktning til nynorsk av «Driving Home for Christmas», mens Nicolai Houm blir køyrd til Gjøvik psykiatriske poliklinikk.

Hver torsdag klokken nitten er eit produkt av overskot og skriveglede, fantasi og originalitet. Det heile er uhøgtideleg, sjølvironisk treffsikkert og formidla med lun, innforstått og inkluderande humor. Tilrådd på det varmaste!

Oddmund Hagen

Oddmund Hagen er forfattar og fast bokmeldar i Dag og Tid.

Emneknaggar

Fleire artiklar

Dei som meinte at Viktor Orbán ville skape bråk i EU i tida med ungarsk formannskap, har fått rett. Her helsar han på Frankrikes president Emmanuel Macron under eit EU-toppmøte i 2023.

Dei som meinte at Viktor Orbán ville skape bråk i EU i tida med ungarsk formannskap, har fått rett. Her helsar han på Frankrikes president Emmanuel Macron under eit EU-toppmøte i 2023.

Foto: Omar Havana / AP

Samfunn

Bråkmakar øvst ved bordet

Den største urokråka internt i EU har overteke formannskapen i EUs ministerråd. Mest påverknad framover kan Viktor Orbán kome til å ha i Europaparlamentet.

Eva Aalberg Undheim
Dei som meinte at Viktor Orbán ville skape bråk i EU i tida med ungarsk formannskap, har fått rett. Her helsar han på Frankrikes president Emmanuel Macron under eit EU-toppmøte i 2023.

Dei som meinte at Viktor Orbán ville skape bråk i EU i tida med ungarsk formannskap, har fått rett. Her helsar han på Frankrikes president Emmanuel Macron under eit EU-toppmøte i 2023.

Foto: Omar Havana / AP

Samfunn

Bråkmakar øvst ved bordet

Den største urokråka internt i EU har overteke formannskapen i EUs ministerråd. Mest påverknad framover kan Viktor Orbán kome til å ha i Europaparlamentet.

Eva Aalberg Undheim

Foto: AP / NTB

MusikkMeldingar
Øyvind Vågnes

Springsteens «før og etter»

Det går an å skrive ei heil bok om Born in the U.S.A., i alle fall om forfattaren heiter Steven Hyden.

I 2018 var det varmerekordar fleire stader i landet.

I 2018 var det varmerekordar fleire stader i landet.

Foto: Erik Johansen / NTB

Ordskifte
ØyvindNordli

«Det er absurd at dei fremste klimaforskarane i Noreg skulle bli samde om å lure resten av folket til å tru noko som ikkje er sant.»

Slik er byen Roma teikna i Nürnberg-krønika.

Slik er byen Roma teikna i Nürnberg-krønika.

Foto: Terje Tøgard / Orfeus

BokMeldingar
Gjert Vestrheim

Ein milepåle i europeisk bokhistorie

Hartmann Schedels verdshistorie, som vart trykt i Nürnberg i 1493, er mor til alle salongbordbøker.

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Foto: Seacia Pavao / Focus Features LLC

FilmMeldingar

Armert film

JEREVAN: Filmfestivalen i den armenske hovudstaden Jerevan er like kontrastfull som byen.

Håkon Tveit
Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Paul Giamatti i rolla som Paul Hunham og Dominic Sessa som Angus Tully i den nyaste filmen til Alexander Payne.

Foto: Seacia Pavao / Focus Features LLC

FilmMeldingar

Armert film

JEREVAN: Filmfestivalen i den armenske hovudstaden Jerevan er like kontrastfull som byen.

Håkon Tveit

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis