Bok
Ventetid for dei rastlause
Annemarie Schwarzenbach skildrar det urbane 1920-talet med aktualitet for vår eiga tid.
Annemarie Schwarzenbach (1908–1942) var del av ein ung, fritenkjande generasjon kunstnarar i Europa i mellomkrigstida.
Foto: Margarte Felerer, 1937
Livet vårt er eit einaste stort spørsmål, står det på baksida av romanen Vener av Bernhard av den sveitsiske forfattaren Annemarie Schwarzenbach (1908–1942), og framhaldet i boka er: «og vi lever av det som rører seg i sjela vår åleine». Det er ei god skildring av ungdom i det moderne, urbane livet, for dei som har tid og høve til å gruvla over eksistensen og, ikkje minst, rusa seg på den søte, private ulukka.
Handlinga i boka er lagd til 1920-talet, men mykje av tankegodset er aktuelt framleis, det er mest omstende og eignelutar som har endra seg.
Den sentrale personen i boka er kan hende 17 år gamle Bernhard, ein lovande musikkstudent og eit forfina menneske som, til liks med fleire andre i boka, har ein litt uklår kjønnsidentitet. Kring han finn me personar som tek like mykje plass i teksten, Gert, som er tvilande til sitt eige talent som biletkunstnar, Ines, som ikkje ser ut til å vera forankra i mykje anna enn hunden Flock, og venekrinsen, bilethoggaren Christina og bror hennar, Leon, som også er kunstnar.
I dette miljøet er venleik det ein lengtar mest etter. Fysisk venleik hjå folk, venleik i kunsten, i livet, kulturen og naturen.
Relasjonar
Dei fleste er forelska i Bernhard, men det er då ein kjærleik som ikkje først og fremst er av seksuell natur. Andre relasjonar har nok ein annan undertone, som Gert sitt svermeri for Leon, men det er skildra med varsemd og finkjensle, og samstundes heilt utan kommentar, med eitt unnatak, noko ei kvinne seier på ein jernbanestasjon, nemleg at ho tykkjer det er ekkelt å sjå unge menn som kyssar kvarandre. Utsegna står heilt åleine, eit lite drypp utanfrå på og mot ein tekst som skildrar emosjonar utan sjølv å vera emosjonell, av eit eg som presenterer stoffet sitt i sikker referatstil, slik at alt som vert sagt, verkar absolutt autentisk.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
