Bok

Den forsvunne pølsemakaren

Torgrim Eggen har skrive ein suverent fortald biografi om ein mindre suveren «draumesjåande» forfattarar.

I 1959 tok Axel Jensen og kona Marianne turen frå Hellas til Oslo i samband med at han la siste hand på romanen Line.
I 1959 tok Axel Jensen og kona Marianne turen frå Hellas til Oslo i samband med at han la siste hand på romanen Line.
Publisert

Først ei tilståing: Denne meldaren er på alle vis det motsette av Axel Jensen: Keisam og borgarleg, med fast løn og bustad og utan interesse for dop, noko som kan farga denne meldinga. Men vi har eit kryssingspunkt. Då Jensen i 1948–50 gjekk på Vestheim private gymnas, skreiv han ei særoppgåve om Immanuel Kants Kritikk av den rene fornuft, ei bok eg òg har vore borti.

Noko før denne største filosofen i opplysingstida skreiv dette verket, hadde han gjeve ut ei negativ bok om «draumesjåaren» Swedenborg, ein svensk spiritualist med direkte kontakt med englar. Kants rasjonalistiske filosofi er avvisande til slike visjonar, noko Jensen ikkje har skjønt, eller brydd seg om, for ikkje lenge etter, frå 1951, er det nett slike okkulte guruar som vert leiestjernene hans.

Då vert han kjend med visjonane til G.I. Gurdjieff, P.D. Ouspenskij og J.G. Bennet, teoretikarane bak filmen The Matrix, som påstår at vi alle går rundt i ein svevntilstand. Dei høyrer heime i same klasse som teosofen madame Blavatsky og antroposofen Rudolf Steiner.

Seinare, på ein tur i Afrika, vert Jensen kjend med den styrtrike John Starr Cooke frå ein familie som eig verdas største næringsmiddelkonsern (mellom anna Dole-ananasen), og som difor slepp å arbeida, og kan finansiera «spirituelle» prosjekt i mange verdsdelar, sprita opp med bruk av alt av tilgjengeleg dop. Og ikkje minst finansierer Cooke mange av dei transkontinentale reisene den notorisk pengelause Jensen legg ut på.

Dysfunksjonell familie

Før vi får høyre om dette, vert vi gjorde kjende med den dysfunksjonelle familien til Axel: Med ein dominerande pater familias, bestefaren hans, Gamal-Axel Jensen, som etablerer Oslos største pølsemakarfirma frå slutten av 1800-talet, og med ein far, Finn Reidar, som etterfølgjande direktør, inntil firmaet vart nedlagt i 1969.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement