Musikk
Den syngande tromma
Etienne Nillesen slår ikkje på tromma, men reindyrkar dei klanglege kvalitetane.
Etienne Nillesen arbeider for tida ved musikkakademiet ArtEZ i Arnheim i Nederland, der han underviser i improvisasjon og trommer.
Foto: Urs Schmid / Sofa Music
Den nederlandske slagverkaren Etienne Nillesen har laga noko så sjeldsynt som ei heil plate med solo skarptromme. Det er tale om ein dryg halvtimes samanhengande musikk, der alt er spelt inn i eitt strekk og utan elektronisk manipulasjon eller redigering.
Vanlegvis er skarptromma eit instrument ein slår på, men slik er det ikkje her. Ved hjelp av ymse alternativ til dei tradisjonelle trommestikkene, og sirkulære rørsler varsamt over trommeskinnet får Nillesen fram dei klanglege og syngande kvalitetane til tromma. Dette er med andre ord så langt frå marsjmusikk og energisk jazz- eller rocketromming ein kan koma.
Stilistisk sett er dette i slekt med minimalismen, og det er ein meditativ tilstandsmusikk, men keisamt er det ikkje. Merksemda til lydaren vert dregen mot dei ørsmå nyansane og endringane i lyden, som gradvis skifter mellom å vera syngande, skrapande og pulserande.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
