Musikk
Folkemusikkinspirert kammermusikk
Hytta byr på nye realiseringar av detaljar frå norsk folkemusikk.
Anne Hytta er ein hardingfelespelar som har lært tradisjonelt slåttespel frå Telemark hjå Einar Løndal og Knut Buen. Ho har dessutan arbeidd med mellomaldermusikk, laga eigne slåttar og komponert ny musikk for hardingfele – gjerne i samspel med andre instrument.
Denne plata kan seiast å vera eit møte mellom impulsar frå folkemusikk og klassisk musikk. Det er langt frå første gongen det skjer. Dei tidlege noteoppskriftene av norsk folkemusikk hadde som mål å tena som råstoff for dei klassiske komponistane i arbeidet deira med å konstruera ein ny «nasjonal» musikk. Seinare har jazzmusikarar nytta det same råstoffet som grunnlag for å vidareutvikla sin musikk. Og i vår tid finst det endelause døme på folkemusikarar (ofte solistar) som omgjev seg med musikarar med bakgrunn i jazz, pop eller rock.
Sett på bakgrunn av dette er det originale ved Anne Hytta sitt prosjekt at ho nyttar små element som er typiske for slåttespelet, til dømes korte motiv og ornament, som utgangspunkt for meir utbygde komposisjonar som ikkje er arrangement av folkemusikk, men meir sjølvstendige komposisjonar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
