Musikk
Frisk folkrock
Unge oslobaserte musikarar fornyar musikalske idear frå 1970-talet.
For tida kjem det ut mange plater der utgangspunktet er norsk folkemusikk, men blanda med andre stilartar. Ein kan merka stor påverknad frå pop/rock i delar av folkemusikken, og omvendt: Rockeplater som inneheld element av folkemusikk.
Reindyrka folkrock, derimot, er det mindre av. Før Gangar vart etablert, var truleg Gåte det bandet som gjennomførte denne musikalske hybridforma mest konsekvent. Likevel: Det er stor skilnad på Gåtes drøymande og delvis romantiske musikk og kraftutladingane til Gangar.
Her til lands har folkrocken ein historikk som kan førast tilbake til samarbeidet Sigbjørn Bernhoft Osa hadde med Saft, og Einar Mjølsnes’ medverknad i Christiania Fusel & Blaagress (der Øystein Sunde var ein sentral medlem). Men den folkrocken dei unge oslobaserte musikarane i Gangar serverer, er av eit langt tyngre slag: Felespelet til Mattias Thedens står heile tida sentralt, og utgangspunktet er gjerne tradisjonelle slåttar, men elles kling dette nærare den klassiske hardrocken, og inspirasjonen frå AC/DC er svært merkbar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
