Musikk
Friskt, oppstemt og morosamt
Aksel Røed’s Other Aspects er godt forankra i tradisjonen.
Orienterer ein seg i jazzmiljøet i Bergen, dukkar namnet Aksel Røed fort og ofte opp. Han er både skapande og utøvande musikar og er konsertarrangør gjennom Bergen improklubb og Tedans. Han spelar like gjerne Monk i kvartetten til Knut Kristiansen som frijazz med trioen The Bucks.
Dette mangfaldet høyrer ein att i denne innspelinga. Ikkje berre er komposisjonane stilistisk varierte, dei hoppar elegant frå det eine til det andre. Også solistane har høgst ulike inspirasjonskjelder og ditto uttrykk. Av dette blir det frisk, oppstemt og morosam musikk.
Arrangementa viser at Røed kan utnytta det instrumentariet som er til rådvelde på sofistikert vis, men opnar heile vegen opp for spontane innspel og markeringar, noko som gjer at «To Whom This May Concern» får eit uventa løft etter ein spontan harmonisk vri frå Isach Skeidsvoll.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
