Musikk
Hyllestplate til Joe Zawinul
Øien har forstått det musikalske prosjektet til Zawinul.
Joe Zawinul er ein av dei mest fascinerande personlegdomane i moderne jazz. Både som komponist, instrumentalist og orkesterleiar er han ein av dei store. Det er laga fleire hyllingsplater til han, og orkesteret han leia saman med Wayne Shorter i 16 år, Weather Report, og «Birdland» må vera ein av låtane som er oftast tolka av andre artistar. Mykje av dette har eg høyrt og ikkje blitt særleg imponert over. Eg var i utgangspunktet skeptisk til denne plata.
Så feil kan ein ta. Cosmopolitan er ei hylling Joe Zawinul verdig. Jørn Øien lukkast fordi han har forstått kva Zawinuls musikalske prosjekt går ut på. Det er heller ikkje dumt å alliera seg med Audun Erlien og Rune Arnesen. Også Bakken og Camara er gode i sine roller.
Det er likevel Øien som sit i førarsetet. Ikkje berre har han skrive dei åtte låtane, men viktigast av alt: Han arrangerer låtane med å ta i bruk heile verktøykassa til Zawinul. Paletten av synthklangar er sjølvsagt viktig, men Øien har også forstått kor viktig dynamikk, pausar, brot i musikken og Ellington er i Zawinuls univers.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
