Musikk
Kjende element i nye versjonar
Komponisten Isaiah Ceccarelli overraskar oss heile tida.
Isaiah Ceccarelli har komponert all musikken på albumet.
Pressefoto
Plateselskapet Sofa har sidan år 2000 gjeve ut mykje av den mest spanande improvisasjonsbaserte samtidsmusikken, ofte med norske musikarar i samspel med utanlandske kapasitetar på området. Denne gongen får me møta eit stramt strukturert prosjekt som er basert i Montreal i Canada.
Og for å gå rett på sak: Dette er noko av det mest særprega eg har høyrt på lange tider. Dei ni spora på plata er songar, som blir utførte unisont, i parallelle tersar og av og til med små, varsame dissonansar. Instrumenteringa er prega av organetto (eit lite pipeorgel), eit gamalt piano, slagverk og meir obskure, støyaktige lydar. Alle dei medverkande er dessutan multiinstrumentalistar, så det dukkar opp mange små overraskingar undervegs.
Musikken er tydeleg arrangert, på den måten at ingen element står i vegen for kvarandre, lydbiletet er gjennomsiktig og svært klårt, og kontrastane er tydeleg planlagde, til dømes når det ein hende gong dukkar opp ein ordinær 4/4-trommegroove når ein minst ventar det.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
