Musikk
Liv, slåttar, instrument
Grundig dokumentasjon av hardingfeler og slåttespel
Felespelaren og folkedansaren Arne M. Sølvberg (f. 1950) frå Fjelli i Nordfjord har i ei årrekkje vore ein ihuga formidlar av slåttespel og – ikkje minst – kunnskap om folkemusikken og folkedansen. Han har mellom anna vore leiar av spelemannslaget Fjelljom, undervist ved Ole Bull Akademiet, vore fylkesmusikar i Sogn og Fjordane og gjeve ut fleire plater.
Denne plata har eit særskilt tema: Alle slåttane, både runddansmusikk, eldre og nylaga slåttar, vert spela på hardingfeler som er bygde av Anders Heldahl (1811–1897) frå Bergen. Felene hans var bygde i den gamle stilen, det vil seie mindre enn den fiolinpåverka moderne fela, og Sølvberg har rigga instrumenta med tarmstrengar og nyttar jamvel den gamle, korte bogetypen.
Mange av felene til Heldahl har lenge vore rekna som «umoderne» og ikkje vore i bruk. Ved å lyfta dei fram att på dette viset har Sølvberg gjort eit pionerarbeid. Men mykje av musikken har vore lite i bruk, og i alle fall ikkje vore utgjeven på plate før.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
