Backstreet er tilbake
Boybandet over alle, Backstreet Boys, er i vinden for tida.
Konsert
Nick Carter:
Live from Mexico City
Veeps.com
Backstreet Boys-medlemmet AJ McLean briljerte som drag queen i RuPaul’s Secret Celebrity Drag Race sesong 2. Vultures, det komande albumet til Kanye West og Ty Dolla Sign, startar med låta «Everybody», komponert med utstrekt bruk av samplingar frå Backstreet-songen «Everybody».
Diverre har Vultures blitt utsett ei mengd gonger på grunn av problem med å skaffe rettane til den utstrekte bruken av samplingar på albumet. Heldigvis kan tørsten sløkkjast: backstreetboyen Nick Carter er på turné, og konsertane blir sende på nettstaden Veeps.com. Natt til onsdag gjekk konserten i Mexico by av stabelen.
Gildet opnar med den kjende og kjære «Larger Than Life», ein song som resonerer med den kritiske perioden vi lever i. «Kan de ikkje forstå, folk, korleis livet dykkar påverkar røynda vår?» Rett nok er det storkapital og global politikk som står ansvarlege for utmaningane verdssamfunnet står overfor, men så kjem den oppløftande beskjeden til fellesskapet: «Og det gjer dykk større enn livet sjølv.» Dette vert følgt opp av den første av mange coverlåtar: Europes «Final Countdown». Det apokalyptiske temaet understrekar at Carter er medviten om at vi balanserer på eit vippepunkt.
Tears For Fears’ «Everybody Wants to Rule The World» gir eit frampeik mot det som ligg i vente for oss alle ved enden av konserten, og i ein hardrock-sekvens briljerer Carter.
ZZ Top glir saumlaust over i Backstreet-klassikaren «We’ve Got It Going On». På radbrekkinga av The Police-låten «Message in a Bottle» kan ein ane at mjølkesyra siper inn i Carters stemme, men heldigvis ordnar det seg, til glede for kvar og ein av oss: Nick Carter avslutta konserten med Backstreet Boys-songen «Everybody (Backstreet’s Back)», komplett med rivande bass, jubelsamplingar frå Tom Tom Club. Her var Carter og bandet hans i slaget.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Konsert
Nick Carter:
Live from Mexico City
Veeps.com
Backstreet Boys-medlemmet AJ McLean briljerte som drag queen i RuPaul’s Secret Celebrity Drag Race sesong 2. Vultures, det komande albumet til Kanye West og Ty Dolla Sign, startar med låta «Everybody», komponert med utstrekt bruk av samplingar frå Backstreet-songen «Everybody».
Diverre har Vultures blitt utsett ei mengd gonger på grunn av problem med å skaffe rettane til den utstrekte bruken av samplingar på albumet. Heldigvis kan tørsten sløkkjast: backstreetboyen Nick Carter er på turné, og konsertane blir sende på nettstaden Veeps.com. Natt til onsdag gjekk konserten i Mexico by av stabelen.
Gildet opnar med den kjende og kjære «Larger Than Life», ein song som resonerer med den kritiske perioden vi lever i. «Kan de ikkje forstå, folk, korleis livet dykkar påverkar røynda vår?» Rett nok er det storkapital og global politikk som står ansvarlege for utmaningane verdssamfunnet står overfor, men så kjem den oppløftande beskjeden til fellesskapet: «Og det gjer dykk større enn livet sjølv.» Dette vert følgt opp av den første av mange coverlåtar: Europes «Final Countdown». Det apokalyptiske temaet understrekar at Carter er medviten om at vi balanserer på eit vippepunkt.
Tears For Fears’ «Everybody Wants to Rule The World» gir eit frampeik mot det som ligg i vente for oss alle ved enden av konserten, og i ein hardrock-sekvens briljerer Carter.
ZZ Top glir saumlaust over i Backstreet-klassikaren «We’ve Got It Going On». På radbrekkinga av The Police-låten «Message in a Bottle» kan ein ane at mjølkesyra siper inn i Carters stemme, men heldigvis ordnar det seg, til glede for kvar og ein av oss: Nick Carter avslutta konserten med Backstreet Boys-songen «Everybody (Backstreet’s Back)», komplett med rivande bass, jubelsamplingar frå Tom Tom Club. Her var Carter og bandet hans i slaget.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Eit langt utdanningsløp kan by på store utfordringar for dei som har ADHD. Eit aukande antal vaksne oppsøker helsetenesta, inkludert dyre privatklinikkar, for å få ein diagnose.
Foto: Gorm Kallestad / AP / NTB
– ADHD-diagnosen skal henge høgt
Det har vore ein kraftig auke i talet på ADHD-diagnosar og bruken av ADHD-medisin dei siste åra. Blir diagnosen utvatna når kjendisar snakkar han opp?
Forfattar og siviløkonom Martin Bech Holte har vore både forskar i samfunnsøkonomi og leiar i næringslivet.
Foto: Agnete Brun
Når rikdom blir eit problem
Martin Bech Holte kjem med ein diskutabel analyse og friske fråspark i Landet som ble for rikt.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Jørgen Boassen har vorte kjend langt utanfor Grønlands grenser etter at han viste Donald Trump jr. omkring i Nuuk.
Foto: Christiane Jordheim Larsen
Alle auge på Grønland
NUUK, GRØNLAND: 2025 starta med vaksenopplæring om Grønlands geopolitiske betyding. Saman med store delar av den vestlege pressa har eg følgt spora etter Donald Trump jr. i hovudstaden Nuuk.
Papiravisa