Heismusikk i gruvesjakta
Ukrainsk synthartist speler opp til kloggedans og mellomaldersk new age-meditasjon.
Rock / Elektronisk / Metal
Surt R.:
SKALD: Against the Black Priory Original Soundtrack Vol. I og II
Raw Fury
SKALD: Against the Black Priory, eit datarollespel signert Vadsø-baserte High North Studios, kom ut førre veke. Musikken til spelet er komponert av den ukrainske artisten Surt R., og stilarten er dungeon synth, ein underleg undersjanger av black metal og dark ambient som norske Mortiis seiest å vere stamfar til, og som Burzum sysla med i fengselscella.
Musikken er dyster med heilsyntetisk, mellomaldersk preg. Lyden av Yamaha YM2413-chipen, kjend frå spelehallar og japansk tekst-TV på det seine åttitalet, er fuktig og fyldig; ein kan kjenne dryppet frå stalaktittane og lukte ukjente soppsporar med øyra.
Lyttaren blir omfamna av fuktig syntetisk fløytelyd, lutt og pipeorgel, og dei mugne synthtonane vekkjer ei meditativ ro, ein slags mellomaldersk new age-musikk. Vi høyrer heismusikk på veg nedover gruvesjakta, og stundom skrur DJ-en på tavernaen intensiteten opp og signaliserer at det er tid for å tre inn i snabeldanseskorne og ta ein svingom på vertshusdansegolvet under discostalaktittane: Låten «Sellsword’s Honor», til dømes, er ein beinhard clogstep-banger; «Market District» spelar opp til freidig kloggedans på torgallmenningen i Bjørgvin.
Dungeon tyder fangehol, og kontemporære artistar har utvida sjangeren til å omfatte ei mengd andre hol. Til dømes tar svenske Tiny Mouse for seg temaet musehol, medan musikken til norske Piss Elf manar fram bilete av framande land og eksotiske kulturar i avløpsrøyret.
Soga i SKALD kombinerer klassisk mellomaldersk fantasytematikk med H.P. Lovecrafts sci-fi-mytologiske kosmiske angst, og Surt R. meistrar å vekke kjensla av å rutsje igjennom eit kosmisk svelg ned mot avgrunnen på botnen av det uutgrundelege holrommet i grunnlaget til eksistensen.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock / Elektronisk / Metal
Surt R.:
SKALD: Against the Black Priory Original Soundtrack Vol. I og II
Raw Fury
SKALD: Against the Black Priory, eit datarollespel signert Vadsø-baserte High North Studios, kom ut førre veke. Musikken til spelet er komponert av den ukrainske artisten Surt R., og stilarten er dungeon synth, ein underleg undersjanger av black metal og dark ambient som norske Mortiis seiest å vere stamfar til, og som Burzum sysla med i fengselscella.
Musikken er dyster med heilsyntetisk, mellomaldersk preg. Lyden av Yamaha YM2413-chipen, kjend frå spelehallar og japansk tekst-TV på det seine åttitalet, er fuktig og fyldig; ein kan kjenne dryppet frå stalaktittane og lukte ukjente soppsporar med øyra.
Lyttaren blir omfamna av fuktig syntetisk fløytelyd, lutt og pipeorgel, og dei mugne synthtonane vekkjer ei meditativ ro, ein slags mellomaldersk new age-musikk. Vi høyrer heismusikk på veg nedover gruvesjakta, og stundom skrur DJ-en på tavernaen intensiteten opp og signaliserer at det er tid for å tre inn i snabeldanseskorne og ta ein svingom på vertshusdansegolvet under discostalaktittane: Låten «Sellsword’s Honor», til dømes, er ein beinhard clogstep-banger; «Market District» spelar opp til freidig kloggedans på torgallmenningen i Bjørgvin.
Dungeon tyder fangehol, og kontemporære artistar har utvida sjangeren til å omfatte ei mengd andre hol. Til dømes tar svenske Tiny Mouse for seg temaet musehol, medan musikken til norske Piss Elf manar fram bilete av framande land og eksotiske kulturar i avløpsrøyret.
Soga i SKALD kombinerer klassisk mellomaldersk fantasytematikk med H.P. Lovecrafts sci-fi-mytologiske kosmiske angst, og Surt R. meistrar å vekke kjensla av å rutsje igjennom eit kosmisk svelg ned mot avgrunnen på botnen av det uutgrundelege holrommet i grunnlaget til eksistensen.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Fekk ikkje plass til alt
– Det er ikkje vår oppgåve å drive med polemikk. Vi har levert eit fagleg arbeid, seier kommunikasjonsdirektør Ola Anders Skauby i Sokkeldirekoratet.
Hjortelusflugene er spesialiserte parasittar som føder levande ungar og lever heile det vaksne livet nede i pelsen til elg, hjort og rådyr.
Foto via Wikimedia Commons
Svermingstid for hjortelusfluga
Göran Fristorp døydde 3. september. Han vart 76 år gammal.
Foto: Sara Johannessen Meek / NTB
Göran Fristorp (1948–2024)
Det kjem an på storleiken, men det er ein fordel å sleppe å trene inni bilen.
Bene Riobó / Wikimedia commons
I form med bilen
Michael Keaton er attende i den ikoniske rolla som Beetlejuice.
Foto: Warner Bros. Discovery
Beetlejuice Beetlejuice: Nesten dødsfestleg
Sjølv om det er eit gledeleg gjensyn, saknar eg snerten.