Skoddeskuggespegelspel-rapp
Eminem vrir og vender sjølvbiletet opp og ned og på hovudet med virtuose vendingar.
Hiphop
Eminem:
The Death Of Slim Shady (Coup de Grâce)
Shady / Aftermath / Interscope
Dei sentrale figurane i Eminems kabaretliknande karriere er tre i talet: Eminem, ein durkdriven rappar og lyrikar, frontfiguren, artisten; Marshall Mathers, personen bak, misbrukt menneske, traumatisert, sjølvhatande, trist, stundom bitter mann, kunstnaren sjølv; Slim Shady, den jungianske skuggen, eit hånleg, grandiost beist med bleika hår og gnålete vokalisering som ikkje står tilbake for å utføre (u)kollegiale karakterdrap på andre artistar, med maskingeværdiksjon og virtuos vokalteknikk.
Eminems tolvte studioalbum, The Death of Slim Shady (Coup de Grâce), er eit musikkteaterstykke om arvesynd og personlege spøkelse av ibsenske proporsjonar – ein komisk tragedie om sjølvfornedring, skuldkompleks, sjølvhat, sjølvironi og fragmentert identitet. Her blir det sunge ei soge om å gi nådestøytet til skuggesida, om å partere demonane sine med motorsag i djerve rapp-battles mellom personlegdomsaspekt separerte frå sjølve sjølvet.
Innimellom songane høyrest korte skits, og i kombinasjon med tilhøyrande musikkvideoar bidreg desse høyrespelsnuttane til formidlinga av det postmoderne psykodramaet. Eit vandremotiv i det visuelle materialet er ein bak- eller spegelvend E – snudd på hovudet, kan hende: Sjølvskryt er greia i rapp-battling, og Narkissos, veit du, forelska seg i spegelbiletet av seg sjølv. Som altså er spegelvendt, då.
Neimen! Skulle du sett. Det ser ut til at den slimete Shadys energi såg sitt snitt til å flyte inn i heilskapen under motorsagmassakreringa i videoen til «Tobey». Å neimeninem! Alt på neste spor, «Guess Who’s Back (skit)», kan det nesten byrje å høyrast ut som skuggen er håplaus å bli kvitt. Men, men. Ein må vel nesten berre bli vener med beistet. Ingen yin utan yang et cetera. Ta vare på den store apen du er. Fin plate.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hiphop
Eminem:
The Death Of Slim Shady (Coup de Grâce)
Shady / Aftermath / Interscope
Dei sentrale figurane i Eminems kabaretliknande karriere er tre i talet: Eminem, ein durkdriven rappar og lyrikar, frontfiguren, artisten; Marshall Mathers, personen bak, misbrukt menneske, traumatisert, sjølvhatande, trist, stundom bitter mann, kunstnaren sjølv; Slim Shady, den jungianske skuggen, eit hånleg, grandiost beist med bleika hår og gnålete vokalisering som ikkje står tilbake for å utføre (u)kollegiale karakterdrap på andre artistar, med maskingeværdiksjon og virtuos vokalteknikk.
Eminems tolvte studioalbum, The Death of Slim Shady (Coup de Grâce), er eit musikkteaterstykke om arvesynd og personlege spøkelse av ibsenske proporsjonar – ein komisk tragedie om sjølvfornedring, skuldkompleks, sjølvhat, sjølvironi og fragmentert identitet. Her blir det sunge ei soge om å gi nådestøytet til skuggesida, om å partere demonane sine med motorsag i djerve rapp-battles mellom personlegdomsaspekt separerte frå sjølve sjølvet.
Innimellom songane høyrest korte skits, og i kombinasjon med tilhøyrande musikkvideoar bidreg desse høyrespelsnuttane til formidlinga av det postmoderne psykodramaet. Eit vandremotiv i det visuelle materialet er ein bak- eller spegelvend E – snudd på hovudet, kan hende: Sjølvskryt er greia i rapp-battling, og Narkissos, veit du, forelska seg i spegelbiletet av seg sjølv. Som altså er spegelvendt, då.
Neimen! Skulle du sett. Det ser ut til at den slimete Shadys energi såg sitt snitt til å flyte inn i heilskapen under motorsagmassakreringa i videoen til «Tobey». Å neimeninem! Alt på neste spor, «Guess Who’s Back (skit)», kan det nesten byrje å høyrast ut som skuggen er håplaus å bli kvitt. Men, men. Ein må vel nesten berre bli vener med beistet. Ingen yin utan yang et cetera. Ta vare på den store apen du er. Fin plate.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media