Musikk
På sporet av Joni Mitchell
Boka Ann Power har skrive om Joni Mitchell, er langt meir enn ein biografi.
Joni Mitchell på scena saman med verten Trevor Noah og musikaren Brandi Carlile på den 66. årlege grammyprisutdelinga i Los Angeles 4. februar i år.
Foto: Chris Pizzello / AP / NTB
Høyrer du til mellom dei mange som held «River», ein av låtane på Joni Mitchells klassiske Blue (1971), høgt? I møtet med Ann Powers’ refleksjonar rundt songen i Travelling. On the Path of Joni Mitchell opna han seg på nytt for denne lyttaren – og det trass i at eg har høyrt han så mange gonger før. Wow, tenkte eg, der eg sat med boka i hendene, så godt går det an å skrive om musikk.
Travelling har vore reisefølgjet mitt sommaren gjennom, noko som også har ført meg tilbake til fleire av platene til Mitchell, og for denne lesaren er det her Powers verkeleg skin: som tolkar og essayist, i møtet med musikken. Forfattaren er ikkje ein trena biograf, men snarare ein av USAs fremste kritikarar, som i langformat «teiknar opp eit kart» over Mitchells reiser, som ho sjølv skriv.
Spørjande haldning
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
