Bok
Poetiske krysspeilingar
Madrid kryssar utvunge mellom dei ulike laga og meiningssjikta som finst i byens overflod av butikkar, menneske, historiske bygningar og minnesmerke.
Sarah Selmer har gjeve ut fleire diktsamlingar sidan debuten i 2000.
Foto: Trude Rønnestad
Tekstane i Madrid bevegar seg gjennom ulike gatetablå i den spanske hovudstaden. Eit utsnitt av eit bybilete fortonar seg ofte flimrande og fragmentarisk, og slik er også førsteinntrykket av framstillingsforma. Lesaren møter eit lyrisk eg som legg ut på vandring frå torget Puerta del Sol og som, til slutt, endar opp ved utgangspunktet. Sirkelen er, kunne ein seie, slutta.
Sprang
Der prosaforteljinga bevegar seg framover, held desse dikta seg heller til fleire moglege himmelretningar samstundes. Ja, her går ikkje vandringa i rett line, eget og tekstane bryt og «bøyer» heile tida «av». Retningsskifta kan kome av stadens utforming, med hindringar og opningar: portar, monument, kryss, gatelaup og torg. Dei sprangvise rørslene kan også tilskrivast at historiske tilbakeblikk vekslar, utan overgang, med synsinntrykk frå notida og med indre refleksjonar og spørsmål.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
