Film

Rå romantikk

Den kannibalske romansen til Luca Guadagnino er vakker, vemmeleg og velkjend.

Timothée Chalamet som Lee og Taylor Russell som Maren i den nye Luca Guadagnino-filmen.
Timothée Chalamet som Lee og Taylor Russell som Maren i den nye Luca Guadagnino-filmen.
Publisert

Maren (Russell) slit med ein kolossal trong til å ete menneskekjøt. Det fører til leie situasjonar og brå flytteplanar. Ein dag stikk faren frå henne, og attenåringen sit att aleine. Litt om senn viser det seg at ho ikkje er den einaste med blod på tann. Ho støyter på kjekkasen Lee (Chalamet). Saman legg dei ut på ei reise der overleving og moral knivar. Farar lurar.

Gotisk gørr

Luca Guadagnino har hatt suksess med estetisk vellukka og populære filmar som Call Me by Your Name (2017) og Suspiria (2018). No tek han utgangspunkt i ein prisvinnande roman av Camille DeAngelis frå 2016. Regissøren har framleis ei stø hand. Alt ser flott ut: landskapa, kleda, kulissar og ljos.

Guadagnino tyr gjerne til det morbide. Somme scener får det til å vri seg i sjåaren. Kamera vik ikkje frå måltida. Groteske situasjonar og framandgjorde figurar gjev assosiasjonar til sørstatsgotikk, jamvel om handlinga skjer meir i rustbeltet. Det er ei dyster verd dei to ferdast i, nemleg USA på åttitalet.

Kjøt og kjærleik

Tidsbiletet bidreg til visuell stil og tematiske tolkingar. Tilliten er tynnsliten. Et eller bli eten, som dei seier. Ikkje at det har endra seg. Unge, rastlause, kule og vakre folk på farten i USA har sendt tankane til American Honey (2016) av Andrea Arnold. Også her er populærmusikken sterkt til stades utan å vere del av historia. New Order og a-ha er blanda lekkert med nyare tonar. Bones and All er meir lågmælt og sakte, trass i elementa av skrekk. Det blodige er ein premiss. Kjærleik og å finne seg sjølv er navet i denne romantiske roadmovien.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement