Musikk
Strokne arrangement
Michael Barnes Octet byr på det beste frå Bergen.
Australske Michael Barnes leier oktetten som held til i Bergen.
Pressefoto
Michael Barnes har på knappe 20 år blitt ein sentral aktør i det bergenske musikkmiljøet. Barnes er, som platetittelen tyder på, frå Australia, men har gjort bergensar av seg og har meir enn éin finger med i det som skjer på storbandfronten i byen, mellom anna er han for tida musikalsk leiar for Bergen Big Band. Denne innsatsen vart lønt med Storbandprisen i fjor, delt ut av Norsk jazzforum.
Storbandbakgrunnen er meir enn tydeleg i musikken til oktetten. Dei åtte komposisjonane på plata, alle signerte Barnes, vitnar om ein som har teke store steg både som komponist og som arrangør. Det musikalske landskapet han ferdast i, er ein moderne storbandtradisjon med innslag av reggae og afrobeat. Han veit å nytta instrumentariet godt. Arrangementa er så absolutt ei sterk side ved plata. Bruken av vibrafon i staden for piano gjev lydbiletet luftig preg.
Oktetten har eksistert med varierande samansetjing, i alle fall på blåsarsida, men Kolve, Thormodsæter og Skarbø, som over tid har vore eit solid ankerfeste, må vera noko av det mest samspelte og elegante kompet som kan oppdrivast i Bergen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
