Musikk
Urban Viken
Erlend Viken Trio med gjester byr på kreativitet.
Erlend Viken har med seg Marius Graff (t.v.) og Sondre Meisfjord i trioen.
Pressefoto
Erlend Viken er ein norsk spelemann frå Oppdal. Og i trioen har han med bassisten Sondre Meisfjord og gitaristen Marius Graff, og på nokon av låtane har dei invitert med Olav Torget, som spelar det tradisjonelle afrikanske strengeinstrumentet konting (n’goni), og vokalisten Synnøve Brøndbo Plassen.
Dei opnar med den tradisjonelle valdresspringaren «Nørre Myreslåtten», som Viken har lært av en annan meisterspelemann, Håkon Høgemo. Og alt her legg eg merke til det fine samspelet mellom fele og gitar, kor dei to spelar (nesten) unisont, men med små avstikkarar.
Det er ikkje Viken som står fram som den viktigaste solisten, men her, som i dei fleste låtane, får me eit utmerkt samspel med gitaristen Graff. Og herifrå og ut er dette ei utmerkt plate der dei tre (fem) samarbeider tett og fint. «Road From Glasgow» kan høyrast ut som at seine kveldar på folkemusikkpub i Glasgow har sett sine spor hos Viken. Her får me Torget i beste Ry Cooder-stil. Ein nydeleg skotsk/norsk reel.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
