Historikarane, Napoleon og Spinning Jenny
Dei store tekniske oppfinningane har stått i sentrum for å forklare historias gang.
Mekanisk leike frå kring år 1800-1810. Både Napoleon med sin hær og Spinning Jenny er med på moroa.
Ønskjer du å delta i debatten? Då kan du sende innlegget ditt til ordskifte@dagogtid.no
Teknologi
Per Thorvaldsen skriv om teknologi annakvar veke i Dag og Tid. I utgåva 9. august startar han opp med å fortelje at han sit på ein benk i Marbella og les Helmer Dahls bok Teknikk, kultur og samfunn. Det ser ut til at Thorvaldsen og Dahl er så samde at det blir uklart kven av dei som meiner kva, men hovudpoenget i artikkelen blir at teknologiens rolle for historia ikkje har vorte påpeikt og framheva. Det er ein enkel grunn til dette: «[a]t historikarar ikkje er interesserte i eller forstår teknologi». Dei har skrive om Napoleon i staden.
Dette er ikkje riktig. Den økonomiske veksten dei siste 300 år, frå den industrielle revolusjonen og fram til i dag, har i dominerande grad vore forklart med teknologi som drivar av historias gang. Historia om Spinning Jenny som forklaring på startfasen av den industrielle revolusjonen i England, kom inn i lærebøker jamvel i grunnskulen. Eg har studert økonomisk historie i mange år, og bokhyllene mine er fylte opp av internasjonale lærebøker som alle har teknologi som forklaringsvariabel. Eit par av bøkene handlar berre om det.
Dei store tekniske oppfinningane har stått i sentrum for å forklare historias gang. Mest kjent er (den i og for seg omdiskuterte) bølgjeteorien til Kondratjev. Han forklarer utviklinga i fem fasar, alle med kvar sin dominerande teknologi:
1. Dampmaskinen og bomullsteknologien (1800)
2. Jernbanen og stålindustrien (1850)
3. Elektrisiteten og den kjemiske industrien (1900)
4. Bilen og den petrokjemiske industrien (1950)
5. Informasjonsteknologien (1990)
Kvar bølgje hadde sine kriser, men nye tekniske oppfinningar gav grunnlag for ny vekst på grunnmuren av det gamle.
Etter kvart vart det nødvendig også å finne andre forklaringar enn dei teknologiske på den økonomiske veksten. Sjølv om teknologien vart tilgjengeleg for alle, var det ikkje alle som tok han i bruk slik at det skapte velstand. Oppfinningar vart også gjorde utan å bli tekne i bruk. Det vart til dømes viktig å forklare sparing og tilgang på investeringsmiddel. Slik oppstod interesse for bank- og kredittsystemets rolle for å finansiere investeringane. Mykje av dette kretsa likevel rundt teknologi som drivar av utviklinga.
Så har vi sjølvsagt hatt heilt andre tradisjonar. Etter at industrien ikkje lenger var den store vekstnæringa, har det vore store behov for ny forståing av utviklinga. Det vi kan kalle arbeidskraftas kvalitet (utdanning, helse osv.), har fått større og større interesse spesielt i nyare innovasjonsforsking.
Kondratjev danna skule slik at andre har ført bølgjeteorien fram til i dag etter hans død. Ikkje uventa er den siste bølgja informasjonsteknologiens tidsalder. Medan alle dei fire første bølgjene gav langsiktig økonomisk vekst, er informasjonsteknologiens tidsalder så langt kjenneteikna av at folk flest har vorte fattigare i teknologiens heimland, USA. Tiår for tiår etter 1990 har også den globale veksttakta gått ned. Er teknologiens forklaring på økonomisk og kulturell vekst eit tilbakelagt stadium?
Thorvaldsen skal gje oss svar på dette. Spalta «Teknologi» skal gje svar på spørsmålet: «Korleis fungerer den nye teknologien som omgjev oss?»
Vi ventar i spenning, men er sikre på at svaret ikkje er å skrive meir om Napoleon.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Teknologi
Per Thorvaldsen skriv om teknologi annakvar veke i Dag og Tid. I utgåva 9. august startar han opp med å fortelje at han sit på ein benk i Marbella og les Helmer Dahls bok Teknikk, kultur og samfunn. Det ser ut til at Thorvaldsen og Dahl er så samde at det blir uklart kven av dei som meiner kva, men hovudpoenget i artikkelen blir at teknologiens rolle for historia ikkje har vorte påpeikt og framheva. Det er ein enkel grunn til dette: «[a]t historikarar ikkje er interesserte i eller forstår teknologi». Dei har skrive om Napoleon i staden.
Dette er ikkje riktig. Den økonomiske veksten dei siste 300 år, frå den industrielle revolusjonen og fram til i dag, har i dominerande grad vore forklart med teknologi som drivar av historias gang. Historia om Spinning Jenny som forklaring på startfasen av den industrielle revolusjonen i England, kom inn i lærebøker jamvel i grunnskulen. Eg har studert økonomisk historie i mange år, og bokhyllene mine er fylte opp av internasjonale lærebøker som alle har teknologi som forklaringsvariabel. Eit par av bøkene handlar berre om det.
Dei store tekniske oppfinningane har stått i sentrum for å forklare historias gang. Mest kjent er (den i og for seg omdiskuterte) bølgjeteorien til Kondratjev. Han forklarer utviklinga i fem fasar, alle med kvar sin dominerande teknologi:
1. Dampmaskinen og bomullsteknologien (1800)
2. Jernbanen og stålindustrien (1850)
3. Elektrisiteten og den kjemiske industrien (1900)
4. Bilen og den petrokjemiske industrien (1950)
5. Informasjonsteknologien (1990)
Kvar bølgje hadde sine kriser, men nye tekniske oppfinningar gav grunnlag for ny vekst på grunnmuren av det gamle.
Etter kvart vart det nødvendig også å finne andre forklaringar enn dei teknologiske på den økonomiske veksten. Sjølv om teknologien vart tilgjengeleg for alle, var det ikkje alle som tok han i bruk slik at det skapte velstand. Oppfinningar vart også gjorde utan å bli tekne i bruk. Det vart til dømes viktig å forklare sparing og tilgang på investeringsmiddel. Slik oppstod interesse for bank- og kredittsystemets rolle for å finansiere investeringane. Mykje av dette kretsa likevel rundt teknologi som drivar av utviklinga.
Så har vi sjølvsagt hatt heilt andre tradisjonar. Etter at industrien ikkje lenger var den store vekstnæringa, har det vore store behov for ny forståing av utviklinga. Det vi kan kalle arbeidskraftas kvalitet (utdanning, helse osv.), har fått større og større interesse spesielt i nyare innovasjonsforsking.
Kondratjev danna skule slik at andre har ført bølgjeteorien fram til i dag etter hans død. Ikkje uventa er den siste bølgja informasjonsteknologiens tidsalder. Medan alle dei fire første bølgjene gav langsiktig økonomisk vekst, er informasjonsteknologiens tidsalder så langt kjenneteikna av at folk flest har vorte fattigare i teknologiens heimland, USA. Tiår for tiår etter 1990 har også den globale veksttakta gått ned. Er teknologiens forklaring på økonomisk og kulturell vekst eit tilbakelagt stadium?
Thorvaldsen skal gje oss svar på dette. Spalta «Teknologi» skal gje svar på spørsmålet: «Korleis fungerer den nye teknologien som omgjev oss?»
Vi ventar i spenning, men er sikre på at svaret ikkje er å skrive meir om Napoleon.
Fleire artiklar
Alexander L. Kielland (Espen Hana) stig ned frå sokkelen til sine to kvinner, Lisa (Malene Wadel i gult) og Beate (Marianne Holter i blått). I bakgrunnen ramnen (Matias Kuoppala) og Bjørnstjerne Bjørnson (Amund Harboe).
Foto: Grethe Nygaard / Rogaland Teater
Når Kielland stig ned frå sokkelen
Det er 175 år sidan forfattaren Alexander L. Kielland blei fødd. No vert han feira med eit biografisk portrett på teaterscena.
Tom Roger Aadland kan sjå tilbake på 20 år som artist.
Foto: Birte Magnussen
Ein mangslungen veg
Tom Roger Aadland er ein av landets aller mest solide låtskrivarar.
Johannes Engelsen Espedals «Brottsjø» (2023) er laga av eit gamalt stakittgjerde frå kyrkjegarden ved Hoff kyrkje på Toten.
Foto: Eva Furseth
Retrobølgje på Haustutstillinga
Haustutstillinga 2024 er ei spenstig og særs variert utstilling. Her er det ingen kunstnarar som trampar i takt.
Partileiinga etter landsmøtet i Sosialistisk Venstreparti 22. februar 1976: Frå venstre nestleiar Steinar Stjernø, ny formann Berge Furre, nestleiar Berit Ås, parlamentarisk leiar Reidar T. Larsen og partisekretær Rune Fredh. Plakat: Mot kapitalmakt.
Foto: Henrik Laurvik / NTB
Personleg rapport om SV
Boka Steinar Stjernø har skrive om SV, reiser indirekte mange spørsmål utan svar.
Ukrainsk personell bruker søkjelys når dei ser etter russiske dronar.
Foto: Gleb Garanich / Reuters / NTB
Pengar er makt
Krigen utløyser stadig nye kontroversar, som når kopeken får nytt namn, medan dei russiske droneåtaka forsterkar konflikten mellom Belarus og Russland.