Sats på ukrainsk kultur!

Den 18. mars kunne bergensarane sjå filmen Solistene, som nyleg vann hovudprisen på Human internasjonale dokumentarfilmfestival. Førpremieren var fint ramma inn av innleiande ord ved direktør for Bergen filharmoniske orkester (BFO) Sigurd Sandmo og BFO-musikar Dmytro Kresjtsjenskyj, ei framføring av den ukrainske songen «Plyve katsja» av fiolinist Natalija Koljada (ein av hovudpersonane i filmen), og ein panelsamtale med Koljada og regissør Trond Kvig Andreassen leia av filmvitar Nastya Feschuk.

Ei realitetsorientering

Det ukrainske kammerensemblet Kyiv-solistane reiste på turné til Italia 23. februar 2022. Då Russland gjekk til fullskalaåtak dagen etter, bestemte dei seg for å forlengja turneen, for slik å kunna tala Ukrainas sak i utlandet. Etter konsertar i åtte europeiske land blei dei i april 2022 tilbydde seks månaders opphald i Bodø og å samarbeida med Arktisk Filharmoni.

Solistene fortel ærleg om turnélivet, kvardagen i Bodø, om tankane, kjenslene og fortvilinga til dei ukrainske musikarane, om heimlengsel blanda med redsle og uro for familien, om forsiktige draumar og om freistnader på å byggja ei framtid. 

Regissøren maktar å formidla den djupe kløfta musikarane opplever mellom sitt profesjonelle virke i den trygge hamna i Bodø og krigens røyndom, som dei følgjer på nyheitene, i sosiale medium og i telefonsamtalar heim.

For norske tilskodarar er filmen ei realitetsorientering – dette er noko ganske anna enn mediesnakket dei siste vekene om «kortspelet» til stormaktene. På meir indirekte måtar er filmen også ei påminning om at Russlands krigføring ikkje berre rettar seg mot territorium og naturressursar, men mot ukrainsk identitet og kultur, som så mange gonger tidlegare i russisk og sovjetisk historie.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare