Skulepolitikk – ein del av samfunnskontrakten

Fellesskulen er hjartet i det fleirkulturelle samfunnet og er ein del av ein sosialdemokratisk, integreringspolitisk samfunnskontrakt, der sosial utjamning, sosial mobilitet, kunnskap og danning skulle vere målsetjingar. 

Når sentrale delar av samfunnet, som skulesystemet, lenge ikkje har fungert slik det burde, bør politikarane anten slutte å gjere noko dei gjer, eller byrje å gjere noko dei ikkje har gjort før. Politikarane bør slutte å stole blindt på dei som dei siste tiåra har hatt makta i norsk skulesektor: byråkratar, skuleforskarar og IKT-bransjen. 

Politikarane bør byrje å gjere noko det er mange tiår sidan dei har gjort: stole på lærarane. Dei faglege profesjonskulturane i dei einskilde skulefaga må bli tatt vare på, og dei må byggjast opp att. Læreplanar som legg vekt på kompetanse, bør bli erstatta av læreplanar som legg vekt på kunnskap. 

Ukritisk digitalisering i skulen har brote ned fagleg profesjonskultur i kvart einskilt skulefag – i kunst- og handverksfag som i realfag og språkfag og humanistiske fag. Tverrfagleg prosjektarbeid med skjerm blir ofte ei «googlifisering» av undervisninga med avgrensa læring for elevane. Elevane får kompetanse i å multitaske med fingrane til hjelp, men mindre av læringa blir att i hovudet til elevane. 

Standardar for profesjonsfagleg kvalitet, språkleg og fagleg tilpassing i skulen, har inntil nyleg blitt haldne oppe av kvalitetssikra lærebøker. Tydelege språklege og pedagogiske støttestrukturar tilpassa undervisning i fellesskap i klasserom, som til dømes kvalitetssikra lærebøker, har blitt fjerna til fordel for ein pedagogikk der den einskilde eleven skulle gjere mest mogleg skulearbeid med skjermen til hjelp. 

Eit stadig aukande innslag av digital profesjonskultur er ikkje i stand til å halde oppe tilsvarande faglege standardar i skulen som lærebøkene inntil nyleg garanterte for. 

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare