Smittevern også mot tankevirus
I Dag og Tid 5. januar («Ein kronisk pandemi») gjev Per Anders Todal røyst til forskarar som meiner at såkalla «langcovid» får for lite merksemd. Vidare peiker han på auken i «allment og uspesifisert» sjukefråvære sidan 2019 som ei truleg fylgje av seinverknader av koronasjukdom.
Men forskinga er ikkje så eintydig som artikkelen kan gje inntrykk av. Ein fransk studie med 26.823 deltakarar publisert i JAMA Internal Medicine (1) fann at dei som fekk påvist koronainfeksjon, ikkje pådrog seg fleire vedvarande helseplagar enn dei som testa negativt. Dei som hadde høgst sannsyn for «langcovid» var deltakarane som meinte seg å ha hatt covid; dei som ikkje trudde dei hadde hatt viruset, gjekk jamt over fri av seinverknader, uavhengig om dei hadde antistoff mot viruset i blodet.
Den einaste tydelege samanhengen studien fann mellom gjennomgått infeksjon og varige symptom, galdt svekt luktesans – for utmatting, konsentrasjonsvanskar, muskelsmerter og andre typiske «langcovid»-plager var det statistisk samanheng berre med oppfatninga om å ha hatt koronasjukdom.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
