Berre ei høne

Og der i vinterbrunt gras i ein snøflekka hage på Nesodden trippar seks høner klukkande rundt og er aldeles uvitande om kor heldige dei er. Det er desse hønene som er rammeforteljinga i den nye boka til Andreas Tjernshaugen, og som blir sett opp som ein kontrast til dei profesjonelle artsfrendane som produserer egg og kjøt.

Det var under pandemien i 2020 at Tjernshaugen fekk sine fyrste høner.

– Eg hadde tenkt på det lenge, og då pandemien kom, skjøna eg fort at det no låg an til å vere mykje heime, seier han.

Han har sett seg med ryggen mot stoveglasa, der to høner, nokre gonger tre, står på eit terrassebord og tittar inn med klandrande og undrande høneblikk. I denne heimen, som opphavleg blei bygd som hytte på 1920-talet, har Andreas Tjernshaugen skrive bøker om blåkval, rev, akvariefiskar, meiser, insekt og no altså Et høneliv.

Kva som kom fyrst, hønene eller bokideen, er uklart, men nede i grovkjellaren snikra han eit lite bur oppunder taket. Han laga opning ut mot hagen og kjøpte fire høner. Det gjekk dårleg.

– Dei var skrale, men om det var min feil, eller om dei ikkje var heilt friske då eg fekk dei, veit eg ikkje, seier han. 

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare