Forsvar
Dansk strid om EU-forsvar
Putin har ført Sverige og Finland inn i Natos famntak. Vil han også føre Danmark inn i EUs forsvarssamarbeid?
Krigen i Ukraina har fått den danske statsministeren Mette Frederiksen til å utlyse folkerøysting om dansk deltaking i EUs forsvarssamarbeid. Biletet er frå Kyiv, der ho i april møtte den ukrainske presidenten Volodymyr Zelenskyj saman med den spanske statsministeren Pedro Sánchez. Biletet er formidla av det ukrainske presidentkontoret.
Foto: AP / NTB
Den 1. juni går danskane til urnene for å røyste over om Danmark skal ta del i forsvarssamarbeidet i EU.
Ei meiningsmåling publisert i danske TV 2 og Politiken den 18. mai viser at ja-sida har vind i segla, men at mange framleis er usikre. 59,1 prosent av dei spurde seier ja, 40,9 seier nei, medan 29 prosent ikkje har teke standpunkt, ifølgje målinga.
Framferda til den russiske presidenten Vladimir Putin har i høgt tempo endra synet på forsvarsalliansar og -samarbeid i dei nordiske landa. Invasjonen av Ukraina den 24. februar har ikkje berre fått Sverige og Finland til å søkje om Nato-medlemskap, men også danskane til å utlyse folkerøysting om tilknytinga til EUs forsvarspolitikk.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
