Energi
Dei som betaler
Nordmenn betalte 41 milliardar kroner meir for straumen i desember 2021 enn i desember 2020. Statnett vil ha oss til å tru at det er god samfunnsøkonomi.
Den 720 kilometer lange straumsambandet mellom Suldal i Rogaland og Blyth i England blei fjor sommar kopla saman.
Foto: Statnett / NSL
Skjermdumpen frå Statnett på denne sida er teken måndag ettermiddag klokka 17. Det var ein litt spesiell dag. Som vi ser, var kraftprisen i Sør-Noreg igjen høgst i Norden. Det er ikkje spesielt. I Sør-Noreg var prisen på 112,99 euro for 1 MWh, om lag 114 øre for 1 kWh. I Sør-Sverige og Danmark var prisen 108,66 euro, medan prisen var på 16,68 euro i Midt-Noreg, som ikkje er kopla på kablane til Storbritannia og Tyskland.
Det som er litt særmerkt med denne dagen, var den høge importen inn til Sør-Noreg. Samla ser vi at Sør-Noreg importerterte 2600 MW i effekt, som svarar til ein import på 2,6 millionar kWh i timen.
Nesten alt av import, 2123 MW, kom frå grannelanda, sidan det knapt er overføringseffekt mellom Midt- og Sør-Noreg. Denne importen tente diverre ikkje Statnett noko særleg på, sidan prisskilnaden mellom Sør-Noreg på den eine sida og Danmark og Sverige på den andre sida var så liten. Statnett tente likevel godt med pengar no måndag.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
