Utanriks
Det grøne skiftet i bilbyen
WOLFSBURG: – Sjølvsagt er mange av medlemene våre uroa, seier Matthias Diesterheft i fagforeininga IG Metall i Wolfsburg. Den tyske bilindustrien førebur seg på meir klimapolitikk og tøffare krav etter valet.
Matthias Diesterheft i IG Metall Wolfsburg fortel at mange av medlemene er uroa over mørke prognoser. Sjølv har han stor tru på framtida til den tyske bilindustrien.
Alle foto: Astrid Sverresdotter Dypvik
Røyken sig ut av skorsteinane og hyllar fabrikkbygget inn i ein kvit sky. Den mørkeblå Volkswagen-logoen på veggen er så stor at han er godt synleg frå den andre sida av byen. Wolfsburg er ein stad der alt eigentleg handlar om bil.
Byen er sjølve hjarta i Volkswagen-konsernet. Volkwagen er Tysklands største bilprodusent og knivar med Toyota om å vere den som sel mest på verdsmarknaden. På fabrikken i Wolfsburg går produksjonen døgnet rundt. Byen har den høgaste verdiskapinga per innbyggjar i Tyskland. Og sjølvsagt har Wolfsburg også fleire registrerte motorvogner enn innbyggarar.
Samstundes
Søndag 26. september er det val til Forbundsdagen. Før sommaren var partiet Dei Grøne størst på fleire målingar. Partiet har sidan gått kraftig tilbake. Klimapolitikk har likevel fått langt meir merksemd enn vanleg gjennom heile valkampen. Den sosialdemokratiske kanslarkandidaten Olaf Scholz seier han ser den kommande grøne omstillinga som ein sjanse til å styrke tysk industri. Armin Laschet, som er kanslarkandidat for det kristenkonservative CDU, lovar å gjere Tyskland til eit klimanøytralt industriland.
Mange tyske veljarar ønskjer ein meir ambisiøs klimapolitikk. Då det anerkjente Allensbach-instituttet i vår spurde kva einskildsaker veljarane var opptatte av, var klimaspørsmålet på topp. I ei undersøking gjort av det tyske miljøverndepartementet i år svarte to tredelar at klimapolitikk er den aller viktigaste saka i politikken.
Den same undersøkinga kan også kaste lys over kvifor partiet Dei Grøne likevel går ned på målingane. 90 prosent svarar at dei vil ha ei rask og «sosialt akseptabel» omstilling av næringslivet. Det ser altså ut til å vere vanskeleg å vinne valet med klimapolitikk åleine. Ein må også ha ein næringspolitikk som veljarane trur på.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
