Energi
Dyrt og vanskeleg
Det vert meir og meir tydeleg at klimamåla til regjeringa er umoglege, og at dei tiltaka dei alt har sagt dei vil ha, vert så dyre at dei står i fare for å kollapsa.
Statsminister Jonas Gahr Støre vitjar Gulen og Hyllestad kommune i Vestland fylke i juni 2022, der dei flytande vindturbinane til Hywind Tampen blir monterte.
Foto: Bjørnar Morønning / NTB
Det har byrja å koma meir realisme inn i den norske klimasatsinga. I samband med ny nasjonal transportplan bad regjeringa Avinor, Bane Nor, Jernbanedirektoratet, Kystverket, Statens vegvesen og Nye veier om å rekna på kva som må til for at transportsektoren skal nå det klimamålet Noreg har meldt inn etter Parisavtalen. Der seier vi at vi skal redusera klimautsleppa med 55 prosent i 2030 samanlikna med 1990.
Konklusjonen i dei ulike rapportane som kom før påske, er heilt eintydige: «De gjennomførte analysene viser at det ikke er mulig å nå klimamålene med realistiske tiltak og tilhørende nødvendig virkemiddelbruk innen 2030.»
Dyre elbilar
Det er ingen land i verda som har nytta så mykje pengar på elbilsatsing per innbyggjar som Noreg. Likevel, seier etatane, kjem klimautsleppa slik det no ligg an, berre til å gå ned med 6 prosent fram mot 2030. Jamvel om vi skrur til avgiftsskruen så det verkeleg monnar, kjem vi ikkje til å nå måla.
Set vi drivstoffprisen til 50 kroner literen, kjem transporten berre til å verta redusert med 13 prosent. Ein slik pris vil rett nok truleg føra til ei økonomisk krise og auka arbeidsløysa i resten av næringslivet, seier etatane.
Transportsektoren står for ein tredjedel av dei norske klimautsleppa. Liknande analysar av dei andre sektorane som står for dei store utsleppa, kjem mest truleg til å gje dei same resultata. Sokkelen, som også står for rundt ein tredjedel av utsleppa, kjem på basis av det som er under utbygging, saman med den eksisterande infrastrukturen, truleg til å halda oppe den noverande produksjonen fram mot 2030, syner prognosane.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
