Etterlyser radiomangfald

Stortingsrepresentant Åslaug Sem-Jacobsen (Sp) etterlyser svar på om store internasjonale medieselskap har svekt både mangfald og innhald i radiotilbodet her til lands.

Publisert

I eit brev til kulturministeren spør stortingsrepresentanten frå Telemark:

– Er det rett at to kommersielle aktørar har kontroll over kven som får sleppa til på det nasjonale DAB-nettet og dermed kan halda andre borte heilt fram til 2032?

Sem-Jacobsen vil ha svar på om dette er i tråd med Stortingets intensjon om eigarmangfald.

Ho er også interessert i å få vita om kulturminister Trine Skei Grande vil ta initiativ for å finna ut kor mange som høyrer på DAB, om ein ser bort frå internett.

Sem-Jacobsen minner om at DAB langt på veg vart innført for å styrkja mediemangfaldet. I heile prosessen har det vore fokus på NRKs behov for fleire kanalar og eit breiare tilbod. Ho meiner det kan vera grunn til å spørja om eigarmangfaldet som Stortinget ønskjer seg, er godt nok ivareteke.

– I Senterpartiet var me kritiske til sløkkinga av FM-bandet, særleg tidspunktet og grunnlaget for sløkkinga. Me meinte at det ikkje var mange nok som hadde tilgang til DAB, og Senterpartiet gjekk inn for å utsetja FM-sløkkinga. Sidan har tida vist at det ikkje har gått så godt med omlegginga som mange trudde, seier Sem-Jacobsen, som kom på Stortinget i fjor haust.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement