– Fjernar barnetrygda utan debatt
– Me er inne i ein periode med gradvis avvikling av barnetrygda, seier Axel West Pedersen, forskar ved Institutt for samfunnsforskning.
Mange born frå familiar som ikkje har råd til å reisa på ferie, har nytta tilbodet om å feriera på Hudøy ved Tjøme.
Illustrasjonsfoto: Heiko Junge / NTB scanpix
Frå 2001 og fram til 2015 har det vore ei tredobling av barnefattigdommen her i landet.
– Kva som har skjedd etter 2015, har me enno ikkje tal for, seier Pedersen.
Han var med i Barnefamilieutvalet som vart sett ned då Solveig Horne (Frp) var statsråd.
– Tidlegare var det vesentleg lågare fattigdom blant barnefamiliane enn i befolkninga elles. No er fattigdommen litt høgare blant barnefamiliane enn blant dei andre. Det er ei relativt dramatisk utvikling.
– Kor mange er råka av barnefattigdom?
– Har familien ei inntekt som er under 60 prosent av gjennomsnittsfamilien, vert dei definerte som fattige. Det vil seia at 10–11 prosent av norske barn er definerte som fattige. Men ein kan sjølvsagt diskutera om det er rett å bruka dette omgrepet. Statistisk sentralbyrå føretrekkjer å bruka «familiar med låg inntekt».
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
