Resirkulering
Gjer tekstilavfall til ny industri
Det er vanskeleg å skrive ei solskinshistorie om norsk tekstilforbruk. Men når brukte laken kan verte omdanna til brukbare tekstilfibrar, er det verdt eit forsøk.
Ein dott tekstilfiber, resirkulert frå innsamla tøy, klart til å verte brukt igjen.
Alle foto: Christiane Jordheim Larsen
– Det er her magien skjer, seier Pål Erik Haraldsen og peiker på nokre firkanta, knallgrøne maskiner eg ikkje kan sjå inn i.
– Her ligg forretningsløyndommen?
– Ja, litt av han, i alle fall. Her borte kjem fiberen ut.
Haraldsen går forbi rekkja av dei grøne maskinene og kjem til ei endå større maskin med ein stor open kjeft. Han bøyer seg inn og hentar ut ei handfull kvite, mjuke tekstilfibrar. Fiberdotten liknar bomulla vi får kjøpt i daglegvarebutikken, men har hatt eit heilt anna liv.
Eg har teke turen til eit næringsområde i Sandefjord for å sjå kva som går føre seg i norsk tekstilindustri. Norsk tekstilindustri? Finst det ein slik, spør du kanskje. Ja, han finst, sjølv om han stort sett rommar ullspinneri og strikkeselskap som produserer i liten skala. Under 1 prosent av tekstila vi forbruker her i landet, er produsert i Noreg.
Men det er ikkje eit lite, tradisjonsberande selskap eg har oppsøkt denne dagen. Eg har drege for å sjå produksjonen i eit selskap som er i den utforskande startfasen, som satsar på ny teknologi og store volum.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
