Høgt spel om tynne brikker
Du har neppe høyrt om TSMC. Men utan produkta frå dette taiwanske selskapet stoggar mykje av verda opp.
Ein mikroprosessor pynta med flagget til Taiwan. Det taiwanske selskapet TSMC er dominerande i produksjonen av mikrobrikker av topp kvalitet.
Illustrasjon: Shutterstock / NTB
Det vart mildt sagt rabalder da Nancy Pelosi, speaker i Representanthuset i USA, besøkte Taiwan i august. Somme frykta at visitten skulle bli starten på ein ny verdskrig. Styresmaktene i Kina nøydde seg ikkje med verbale åtvaringar, men sende ut ein armada på ei massiv militærøving i farvatna kring øystaten.
Men eit anna interessant aspekt ved besøket har fått mindre omtale. I Taipei møtte ikkje Pelosi berre representantar for regjeringa, men òg styreleiar Mark Lui i selskapet Taiwan Semiconductor Manufacturing Corporation (TSMC).
Detaljane i samtalen er ikkje kjende, men ramma er velkjend: Pelosi og regjeringa i Washington vil at TSMC skal selje færre avanserte datakomponentar til Kina og flytte delar av produksjonen sin til USA. Den amerikanske støtta til Taiwan handlar ikkje berre om ideologi, forsvar for demokratiet eller geopolitisk rivalisering. Det handlar òg om at USA vil hegne om ein særs sentral leverandør av teknologi.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
