Helse
Kjem koronasertifikatet?
I fleire land har koronapasset vore nøkkelen til å opne samfunnet igjen. Her heime nøler regjeringa. Kva talar for og imot innføringa av eit koronasertifikat?
Regjeringa vurderer å innføre krav om koronasertifikat når dei etter kvart skal lempe på tiltaka.
Foto: Stian Lysberg Solum
I andre land har det såkalla koronapasset vore ein sentral del av gjenopningsstrategien. Passet syner om ein er vaksinert eller friskmeldt, og avgjer om ein får tilgang til restaurantar, kinosalar og offentleg transport. Land som Frankrike og Tyskland har etter kvart gått over til ein rein vaksinasjonsmodell. Det vil seie at ein negativ test ikkje lenger er nok for å få grønt lys i sertifikatet – berre fullvaksinerte får full fridom.
Kva som krevst for å få grønt pass, varierer altså frå land til land. Men generelt kan ein seie at det fører til ei todeling av samfunnet: mellom «dei vaksinerte» og «dei uvaksinerte», der dei som er uvaksinerte, vert utestengde frå visse arenaer.
Her heime har regjeringa nølt med å innføre ei slik løysing. No har dei bede fagetatane ta ei ny vurdering på om ein skal innføre koronasertifikatet. Helseminister Ingvild Kjerkol seier at regjeringa er «positiv til å differensiere meir mellom vaksinerte og uvaksinerte» når dei etter kvart skal sjå på ei lette i tiltaka.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
