Ingebrigtsen-saka:
Med media under lupa
Mediekritikar Anki Gerhardsen meiner pressa går for langt i å synleggjere sympati og antipati i dekkinga av straffesaka mot Gjert Ingebrigtsen.
Rettssaka mot Gjert Ingebrigtsen får mykje merksemd i media. Her er forsvarar John Christian Elden på veg til Sør-Rogaland tingrett, som handsamar saka.
Foto: Carina Johansen / NTB Scanpix
«Unngå førehandsdømming i kriminal- og rettsreportasje» og «legg vekt på å vere saklege og å vise omtanke i innhald og presentasjon», heiter det i pressas eige etiske regelverk, Ver Varsam-plakaten.
To veker uti rettssaka mot Gjert Ingebrigtsen i Sør-Rogaland tingrett har den tiltalte i pressa mellom anna vorte referert til som mogleg «tyrann», etterfølgt av spørsmålet: «Hvor mye mishandling må til for å bli en toppidrettsutøver?»
Det er òg stilt spørsmål ved ektefellen si rolle, og på generelt grunnlag har det vore spurt: «Hva kan du egentlig kreve av en mor som er vitne til mishandling av sine egne barn?», følgd av ein referanse til Christoffer-saka, ei barnemishandlingssak som hadde dødeleg utfall.
Dag og Tid har snakka med mediekritikar og redaktør Anki Gerhardsen.
– Går det litt hardt føre seg i pressa no?
– Eg skal vere forsiktig med å seie at det er snakk om brot på Ver Varsam-regelverket, men eg synest ikkje alt vi ser no, er ein bra måte å dekkje ei rettssak på. Ein ting er den løpande nyhendedekkinga, som vi kan kome tilbake til, men det mest problematiske er denne kommentatorverksemda pressa driv med undervegs. I kommentarar piplar det ut sympatiar og antipatiar, protagonisme og antagonisme. Saka er i retten for at det skal avgjerast om det har gått føre seg ei kriminell handling eller ikkje, ikkje for at det skal takast stilling til om det som har skjedd, er moralsk OK eller slik vi synest det skal vere eller ikkje. Det vi ser no, minner om ei blanding av ein kriminalroman og ei dokusåpe, der pressa dryp nye episodar mange gonger om dagen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
