– Minner om kommunisttida
Undergravinga av rettsstaten i Polen er langt viktigare enn riksrettssaka mot Trump, meiner jussprofessor Eirik Holmøyvik.
– Den politiske kontrollen med domstolane i Polen no minner om kommunisttida, seier Eirik Holmøyvik. Han er jussprofessor ved Universitetet i Bergen og har følgt utviklinga i Polen tett dei siste åra som medlem av Veneziakommisjonen, eit rådgjevande organ under Europarådet.
– Sjølvstendet til domstolane er under press i mange land for tida, men Polen er ekstremt. Regjeringspartiet prøver no å få total kontroll med domstolane, og er i ferd med å lukkast. Og reaksjonane i andre land er oppsiktsvekkande svake, seier Holmøyvik. Han undrar seg over den sparsame merksemda kring åtaka på rettsstaten i Polen.
– Riksrettssaka mot Trump blir dekt opp og ned i media i Noreg. Men det som skjer i Polen, er mykje viktigare, og det skjer rett utanfor døra vår.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
