Intervju
Når avvik vert normalt
Eldre vert gløymde att på toalettet og sitjande i urin i timevis. Forskar Øyvind Kirkevold seier det hastar å få endra organiseringa av eldreomsorga.
– Eg trur mange politikarar ville kasta seg rundt og gjort noko om dei visste korleis ting var i dag, seier forskar og professor Øyvind Kirkevold om eldreomsorga.
Foto: Frank May / NTB
Ein pasient på ein sjukeheim vert oppdaga sitjande i ein dam av urin i senga. På grunn av låg bemanning på sjukeheimen må pasienten vente i endå tre timar på hjelp.
Ved ein annan sjukeheim vert det oppdaga at ein pasient har vorte gløymd att på toalettet. Det er uvisst kor lenge pasienten har sete der, men ho er bleik og uroleg når ho vert oppdaga.
Ved ein tredje sjukeheim vaknar ein pasient i 10-tida, men får ikkje mat før klokka 14.
Dette er innhaldet i tre av avviksmeldingane frå tilsette ved sjukeheimar og heimesjukepleia i 14 kommunar i Sør-Rogaland i 2023.
Samla det året vart det meldt frå om 14.500 såkalla avvik i eldreomsorga i dei 14 kommunane. Journalistar i Stavanger Aftenblad har lese gjennom alle og avdekt 500 hendingar som opprører fagfolk og ekspertar.
Øyvind Kirkevold er assisterande forskingssjef ved Nasjonalt senter for aldring og helse, professor i klinisk sjukepleie ved NTNU og forskar ved Sjukehuset Innlandet. Han seier avviksmeldingane er dyster lesing.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
