Prøv Dag og Tid gratis

Når varsellampar blinkar raudt

Kva skjedde i kulissane då stiftinga Født Fri blei gjord til kjeltringar? I sentrum av historia er eit anonymt varsel, aktive varslarar, ei privat gransking, eit taust direktorat, ei høglydt presse – og Shabana Rehman.

Født Fri-stiftinga vart oppretta etter initiativ frå Abid Raja (V) og Trine Skei Grande (V) med ei løyving på fem millionar kroner. Det vart feira på kontoret til Abid Raja 28. november 2018.
Født Fri-stiftinga vart oppretta etter initiativ frå Abid Raja (V) og Trine Skei Grande (V) med ei løyving på fem millionar kroner. Det vart feira på kontoret til Abid Raja 28. november 2018.
Morten A. Strøksnes
Shabana Rehman og andre kjelder har under arbeidet med denne artikkelen gjort store mengder dokumentasjon tilgjengelege for Dag og Tid. Alt av konkrete faktaopplysningar i denne saka er underbygde med kjelder, også der desse ikkje er viste fram i teksten. IMDi har fått tilsendt mange spørsmål i samband med denne artikkelen, men ønsker berre å gi denne kommentaren: «IMDi er i en saksbehandlingsprosess der vi skal fatte et vedtak. Vi kan derfor ikke kommentere dine spørsmål.»Sjangerklargjering: Bak denne artikkelen ligg eit omfattande gravejournalistisk arbeid, men i nokre mindre parti er «kommentar» meir presist.
Publisert Sist oppdatert

Historia tar til med ei stor marsipankake på Abid Rajas gedigne stortingskontor i den såkalla «keisarfløya». Det er den 1. november 2017, og på toppen er marsipankaka pryda med grøn sukkerlake, ein V for Venstre og orda «Født fri». Stortingspolitikarane Abid Raja og Trine Skei Grande frå Venstre har kalla inn pressekorpset og mange av dei fremste kvinnelege stjernene på det fleirkulturelle feltet. No stod dei der som orgelpiper, smilande og oppglødde: Nancy Herz, Laial Ayoub, Sofia Nesrine Srour, Maria Khan, Dana Manouchehri, Iram Haq, Amal Aden og Shabana Rehman.

Venstre-toppane hadde fått ein idé, som no skulle kringkastast til nasjonen. Dei ville etablere ei stifting for «skamlause» innvandrarjenter. Ideen skulle direkte inn på statsbudsjettet.

Kva kunne ikkje Raja fortelje: «Dette er en parlamentarisk historisk hendelse. Det har aldri skjedd før at Stortinget har bevilget penger til noe som ikke eksisterer.»

Ingen av kvinnene visste kvifor dei var kalla inn av ministeren. No skjønte alle det: Kven av jentene kom til å vinne fem millionar skattekroner i det skamlaus-idol som Raja og Grande hadde lagt opp til?

Trommekvervlane kunne nærast høyrast i bakgrunnen då Raja braut ut: «Shabana, ta ballen!»

Kva i all verda er dette, hugsar eg at eg tenkte då eg såg opptrinnet på NRK. Det gjekk eit gisp gjennom lokalet. Shabana Rehman såg forvirra ut. Kva skulle ho seie no? Heile livet hadde ho vore engasjert for å opne dører inn til lukka rom der det gjekk føre seg kulturelt legitimerte overgrep mot individ, ikkje minst i patriarkalske muslimske æreskulturar. Rehman hadde vakse opp i det offentlege rommet som høgt profilert aktivist mot akkurat alt dette. No dreiv ho ein lågblussorganisasjon som kalla seg Sekulær Feministisk Front. Dei gjekk i 8. mars-tog med plakatar der det stod «Født fri for faen!». Ho gjorde sitt beste for å skjøtte karrieren som artist og komikar.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement

morten a. strøksnes samfunn