Nokon må ha slarva om meg, for den siste tida har Facebook-kontoen min flote over av annonsar for datingsider med «vaksne kvinner» eller «modne single» og tilbod om «vennskap og kjærlighet». Somme tilbyr ein «personlighetstest» for å skreddarsy utvalet, andre treng ikkje eingong det: «Se listen over kvinner du passer med.» (Eg må vedgå at det var litt pirrande då ein av dei kunne freiste med «akademiske» kvinner, men eg greidde å halde meg i skinnet.)
«It’s the algorithms, stupid!» seier venner som er meir oppdaterte enn eg. «Du må ha gjort nokre suspekte søk eller gått inn på lyssky nettsider. Dermed har du avslørt overdriven interesse for det andre kjønn, og verdsveven vil berre oppfylle dei inste ønska dine.»
Eg meiner sjølv at aktiviteten min på nettet ikkje kan ha signalisert noka overdriven interesse for vaksne eller modne kvinner – ikkje for barn eller umodne kvinner heller, for den saks skuld. Men same kor eg forsikrar at eg er uskuldig, trur vennene mine meir på algoritmane enn på meg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
