Om å seia meir enn ein trur
Eg kan hissa meg opp i trafikken, og det skjedde her ein dag. Årsaka var korkje problem med vikeplikta eller rundkøyringskrøll, men eit bilskilt.
I ein amerikansk kontekst er bodskapen på skiltet noko slikt som «ædda bædda, olja, sjå kor bra bilar det finst med alternative energikjelder».
Montasje: Marcio Jose Sanchez/Dag og Tid
I nesten eitt år har folk kunna betala for å få laga spesialtilpassa bilskilt. Det gjev språkfolk nye ting å tenkja på.
Me har lenge sett slike skilt i amerikanske filmar. For 9000 kroner kan du kjøpa deg retten til eit bilskilt med to til sju norske teikn for dei neste ti åra. Eit slikt skilt følgjer heldigvis personen, ikkje bilen. Det kunne ha blitt vanskeleg å selja ein bil med skilt som BRANN eller ROSNBRG. Krava for å få godkjent teksten på eit slikt bilskilt er tredelt. Teiknkombinasjonen må korkje vera støytande, til ulempe for nokon eller krenka varemerkerettar. Det er klart at du ikkje vil møta ein bil med banneord som FAEN eller merkenamn som COLA. Det er likevel ikkje alltid lett å avgjera kva som er støytande eller til ulempe for nokon.
Hendinga
Kva var det så som hende? Ein bil fliste forbi meg på motorvegen. Trass manglande bilinteresse har eg googla meg fram til at det var ein Tesla Model X. Farten gav merksemd, og skiltet førte til at eg vingla i den vesle firesetaren min. Og så hissa eg meg opp. Nokon har ikkje gjort jobben sin. Teiknkombinasjonen var støytande for omverda – og eg meiner at han dermed er til ulempe for nokon, kan hende både bileigaren og nordmenn flest.
Kva var så dette skiltet som gjorde ein sindig filolog trafikkfarleg? Ikkje MISTER eller SUNPOWR eller KONEMOR, sjølv om eg må innrømma at eg i eit likestillingsperspektiv kan hissa meg bitte litt opp over sistnemnde også. Skiltet som førte til at eg vifta med armane og snakka med meg sjølv, altså eit bilskilt eg intenst kommuniserte med, hadde teksten LOL OIL. For dei som ikkje er inne i SMS-språk, er LOL ei forkorting for laughing out loud, og signaliserer at den som skriv, synest noko er morosamt.
Dei er meir enn ein trur
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
