Solidaritet i spel
Regjeringa kuttar i barnetrygd og heimreisehøve for ukrainske flyktningar, for å hindre at det kjem for mange. Samstundes er det lite som tyder på at flyktningstraumen frå Ukraina stoppar med det fyrste.
Nær 4 millionar ukrainarar er på flukt i eige land, og meir enn 6 millionar har flykta frå Ukraina, ifølgje FNs høgkommissær for flyktningar, UNHCR.
Bernat Armangue / AP Photo
Nyleg vedtok regjeringa innstrammingar i ordningane for ukrainske flyktningar i Noreg (sjå faktaboks). Målet er å få «et mer bærekraftig nivå på ankomstene», og «å utjevne ankomstnivået med våre naboland», ifølgje justisministeren.
Samla sett har det ikkje kome veldig mange fleire ukrainarar til Noreg enn til Sverige og Finland, men dei siste månadene har det kome flest til Noreg, nokre veker endåtil fleire enn til Sverige, Danmark og Finland til saman.
Talet på ukrainarar som har søkt om kollektivt vern i Noreg, er no oppe i rundt 68.000, som svarar til nær 1,3 prosent av folketalet. Det gjer Noreg til eit av dei ti landa i Europa som har motteke flest ukrainske flyktningar jamført med eige folketal. Men Noreg ligg - slik grafen under syner - langt bak land som Tsjekkia, Polen, Litauen, Bulgaria og Slovakia.
Samstundes er det no ein gryande politisk diskusjon om pengebruken til mottak av ukrainske flyktningar. Og KS, interesseorganisasjonen for kommunesektoren, har varsla at den store tilstrøyminga av flyktningar over så lang tid skapar stort press på tenestetilbodet i kommunane.
Norske kommunar og politikarar er ikkje dei einaste som varslar om utfordringar. I Polen, der over halvannan million ukrainarar har søkt om asyl eller mellombels vern, er folks støtte til å ta imot flyktningane no fallande. Frå EU-kommisjonens Ukraina-rådgjevar Lodewijk Asscher kom det alt i sommar åtvaringar om ein gryande solidaritetstrøttleik overfor dei ukrainske flyktningane i EU.
Over 5,9 millionar av dei meir enn 6 millionane ukrainarar som har flykta frå heimlandet, har søkt mot Europa, ifølgje FNs høgkommissær for flyktningar, UNHCR.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
