Kommentar
Talfeil i statsbudsjettet
Eit dårleg statsbudsjett vart endå dårlegare med SVs hjelp.
Statsminister Jonas Gahr Støre frå Arbeidarpartiet, Trygve Slagsvold Vedum frå Senterpartiet og Audun Lysbakken frå SV held pressekonferanse om statsbudsjettet 2023 i Vandrehallen på Stortinget.
Foto: Beate Oma Dahle / NTB
Hugsar de då finansminister Jan Tore Sanner opna pengekranene under pandemien? Var det nokon på Stortinget som kritiserte regjeringa for å nytta for mykje pengar? Nei. Kvar gong ein hjelpepakke skulle vedtakast, utvida opposisjonen han.
Vi fekk i tillegg vita at pengebruken var ekstraordinær, at det heile var mellombels, noko vi gjorde for å få næringslivet og arbeidstakarane gjennom ei vanskeleg tid. Von dess, som bestemor mi sa.
Økonomisk var pandemien over i 2021. Faktisk var han meir enn over. Norsk økonomi gjekk som ei kule. «Det var bratt vekst, og BNP for Fastlands-Norge økte hele 5,9 prosent fra bunnen i mars til en foreløpig topp i november 2021», skreiv Statistisk sentralbyrå. Det spegla seg i inntektene til staten. I 2019 fekk Finansdepartementet inn 2072 milliardar i skattar og avgifter, i 2021 2439 milliardar.
Forsvann ikkje
Med ein så god økonomi skulle ein tru at dei ekstraordinære koronautgiftene forsvann, og både storting og regjering gjekk nokolunde attende til utgiftsnivået frå 2019, pluss vanleg auke.
Her er tala, og vi snakkar no om reell utgiftsvekst, etter inflasjon: I 2018 var utgiftsveksten på 0,7 prosent og i 2019 på 1,7 prosent. Så kjem det: I 2020 var utgiftsveksten, etter inflasjon, på 8,8 prosent. Så hugsar vi at BNP kom attende til normalt nivå i 2021. Stortinget og regjeringa fekk berre til å redusera utgiftene med 1,3 prosent i 2021. I 2022 ligg utgiftsveksten an til å verta på 1,5 prosent. Vi nyttar i år like mykje pengar som i det fæle koronaåret 2020.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
