Politikk
Togspelet til regjeringa
Regjeringa har lova at ho vil prøve å sikre Noreg unntak frå delar av EUs jernbaneregelverk. Det er det ikkje sikkert ho verken får eller treng.
Solberg-regjeringa har sett passasjertrafikken med tog ut på anbod og sleppt britiske Go-Ahead til på Sørlandsbanen, Jærbanen og Arendalsbanene.
Foto: Jan Kåre Ness / NTB
Det ser ut til å vere kvar ny regjerings lodd å skryte av at ho skal vere meir aktiv og meir offensiv enn den førre i å vareta norske interesser andsynes EU – utan at det har ført til dei store synlege resultata for folk flest.
Meir offensiv varetaking av norske interesser vart flagga av den fyrste raudgrøne regjeringa i Soria Moria-erklæringa frå 2005 og av Høgre og Frp i Sundvolden-plattforma frå 2013. I Jeløya-plattforma frå 2018 varsla Høgre, Venstre og Frp at dei ville auke norsk påverknad over avgjerder som påverkar Noregs interesser.
Den nye regjeringa av Arbeidarpartiet og Senterpartiet dreg på litt til og skriv i Hurdalsplattforma at ho – i tillegg til å «forsvare norske interesser overfor EU» og bruke «handlingsrommet i EØS-avtalen» aktivt – vil prøve å «sikre Norge unntak» frå delar av eit regelverk som er teke inn i EØS-avtalen og dermed alt gjeld for Noreg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
