Økonomi
Verda er ikkje rettvis
I 2021 auka den norske formuen i utlandet med 2000 milliardar. I 2022, mykje på grunn av Putins invasjon av Ukraina, kjem vi til å tena langt meir pengar enn nokon gong før.
Condeep-plattforma Troll A står på 303 meters djup i Nordsjøen og er 472 meter høg. Trollfeltet er største gassfunnet i Nordsjøen, med om lag 40 prosent av dei samla gassreservane på norsk kontinentalsokkel. Gjeve prisen på olje og gass som Ukraina-krigen har ført med seg, kan 2022 verta eit nytt unikt år i norsk økonomisk historie.
Foto: Øyvind Knoph Askeland, Norsk olje og gass
Det er tre ting Europa vil ha av Noreg, sett vekk frå olje og gass, som dei sjølvsagt òg vil ha: billig straum, billig metall og billig kunstgjødsel. Og no vil dei ha det meir enn nokon gong før, på grunn av krigen i Ukraina. Men korkje EU eller Storbritannia kan få dei same tre tinga samstundes. I skrivande stund er prisen på 1 kWh, som PC-en min går på, 8 kroner og 14 øre inkludert MVA, nærare ni kroner om vi tek med nett- og elavgift. Omverda tømmer Sør-Noreg for straum.
Nett no eksporterer Sør-Noreg om lag 5000 MW i timen, som svarar til 5 millionar kWh i timen, eller 120 millionar kWh i døgeret. Både englands- og tysklandskabelen går for fullt, og prisen er 42 gonger høgre i Sør-Noreg enn i resten av landet. Statnett meinte at dei to nye kablane over tid kom til føre til ein gjennomsnittsprisauke på 2 til 4 øre per kWh per år. Skal den spådomen slå til, må nordmenn i Sør-Noreg i fleire tiår framover få betalt for å nytta straum.
Meir straum
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
