Kva person?

5 POENG: Denne personen vart fødd i 1911 og sovna inn i 1960 på den elska sommarstaden sin på ei øy utanfor hovudstaden. Hertugen av Mantova var eit sentralt namn i arbeidslivet.

4 POENG: Den vesle øya heiter Siarö. I 1945 kom sjølvbiografien Med bagaget i strupen.

3 POENG: Hertugen av Mantova høyrer heime i Rigoletto og var ein av glansrollene hans.

2 POENG: Den svenske tenoren var ein av dei fremste operasongarane på 1900-talet. I Noreg er han godt kjend for innspelinga av «O helga natt».

1 POENG: Han heitte eigentleg Johan Jonatan, men går som Jussi.

Kva varemerke?

5 POENG: Dette varemerket kom i 1937. Den vanlege utgåva er firedelt. Kvar del har bilete av fire individ av arten Leptoptilos crumenifer.

4 POENG: Det norske merket er eigd av amerikanske Mondelez. Stripene på emballasjen, frå øvst til nedst, er som i flagga til Bolivia og Ghana.

3 POENG: Den ordinære storleiken er 47 gram. Merkenamnet er to ord, det siste er eit måltid.

2 POENG: Dei fire stengene har kjeks inst. Den aktuelle arten er marabustork.

1 POENG: Mange et Freia-sjokoladen på tur, ikkje minst i påskefjellet.

Kva historisk hending?

5 POENG: Denne hendinga i 1852 vert gjerne forklart ut frå både religiøse, sosiale og personlege faktorar. Hendinga førte til at Universitetet i Oslo fekk to heilt spesielle studieobjekt.

4 POENG: I spissen på den eine sida stod presten, lensmannen og ikkje minst kjøpmannen, han med det avskydde brennevinssalet. Dei to siste vart drepne.

3 POENG: Den andre sida var ei gruppe som hadde vorte omvend til læstadianismen. To av leiarane, Mons Somby og Aslak Hætta, vart seinare halshogde.

2 POENG: Hendinga vart nytta som argument for fornorskingspolitikken.

1 POENG: Ein film av Nils Gaup skildrar dette samiske opprøret, som har namn etter staden der det skjedde.

Kva grunnstoff?

5 POENG: Dette er det femte vanlegaste grunnstoffet i menneskekroppen, etter oksygen, karbon, hydrogen og nitrogen. Tettleiken er rundt 1,5 gram per kubikkcentimeter.

4 POENG: Til forskjell frå dei fire vanlegare grunnstoffa er dette eit metall. Då er 1,5 eit lågt tal. Til dømes ligg aluminium på 2,7.

3 POENG: Grunnstoffet er òg blant dei vanlegaste i jordskorpa. Alt levande treng dette. Dei fleste nordmenn får fint i seg nok, for ein kjem langt med meieriprodukt.

2 POENG: Atomnummeret er 20. Atomsymbolet er Ca.

1 POENG: Grunnstoffet kalium er berre éin bokstav unna.

Svar på hinta:

Kva person: Jussi Björling

Kva varemerke: Kvikk Lunsj

Kva historisk hending: Kautokeino-opprøret (Studieobjekta var hovuda til Somby og Hætta.)

Kva grunnstoff: Kalsium