Mat
Budsjettboksen
Det er heilt opp til deg å jazze opp denne takknemlege råvara.
Traust kjenning kan overraske stort.
Foto: Dagfinn Nordbø
Det finst ikkje mykje som er betre enn fersk tunfisk. Han skal skjerast i tjukke skiver, saltast og peprast og dekkjast med sesamfrø før ei kort gjestevitjing i varm, tørr steikepanne.
Skivene held du i handa for å bråsteikje dei på kortsidene, før du gir fisken maksimum eit halvt minutt på kvar side – han skal for all del ikkje oversteikjast.
Eg hugsar då eg skulle ha ein namngjeten restauratør på middag, og prestasjonsangsten min gjorde at eg slo på stortromma i den beste fiskedisken i byen. Tunfisken kosta tusen kroner kiloen. Men sidan vi var berre to til bords, vart det ikkje så gale likevel.
Restauratøren hadde tatt med nokre iskalde og velsigna flasker av kvitvinen Albariño frå sin eigen djupe vinkjellar. Den fungerte himmelsk saman med tunfisken. Då me kom fram til armagnacen eg hadde fått til jul, la me planar om dei villaste ting, og nokre av dei sette me òg ut i livet. Maten og vinen hadde gitt oss både mot og vengjer.
Andre dagar vil me no for tida helst ha mat som er vesentleg meir skånsam mot budsjettet – og det er her den trufaste tunfiskboksen kjem inn. Den dei fleste har ståande i kammerset, men gløymer fordi han visstnok er litt kjedeleg. Men hei, kjedeleg kan du sjølv vere. Det er heilt opp til deg å jazze opp denne takknemlege råvara.
Eg hugsar framleis tilbake til ungdomstida då ein kjærast laga tunfisksalat til meg. Heime voks eg opp med ganske så røff vestlandsk bondekost, som eg framleis elskar høgt, men eg hadde aldri smakt noko så eksotisk.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
