JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

HumorFeature

«På veg ut av butikken treffer Ragnhild dessverre Haldis»

Kvar veke les vi inn utvalde artiklar, som abonnentane våre kan lytte til.
Lytt til artikkelen

Teikning: May Linn Clement

Teikning: May Linn Clement

3132
20240308
3132
20240308

Tomt for ved (5)

På veg ut av butikken treffer Ragnhild dessverre Haldis, som ho ikkje har sett snurten av på år og dag. Det kjennest ikkje rett å berre strene forbi, så ho seier hei. Haldis ser ut som ho alltid har gjort, og stiller seg opp slik at ho står i vegen for andre folk som skal inn i butikken.

Ho har ingenting positivt å komme med, verken frå eige eller andre sitt liv, så det er lite som har endra seg der i garden. Ho emjar om kor fælt det var at mannen til syster til Ragnhild strauk med for tre år sidan, og det var det jo, men det verkar mest som om ho ser på det som hennar store oppgåve her i livet å minne seg sjølv og andre på triste ting. Haldis snakkar framleis irriterande lågt, slik at Ragnhild må konsentrere seg for å forstå kva ho seier.

Etter noko som verkar som ei æve, klarer ho endeleg kome seg frå. Ragnhild set posen med varene i passasjersetet og startar bilen. Ho sjekkar nøye til både høgre og venstre og gjev gass slik at bilen skyt ut frå parkeringsplassen. Tyngda av posen med varene gjer at alarmen som seier frå at setebeltet må festast, pip og blenkjer. Ragnhild ensar det ikkje, berre køyrer på, for no ligg ho etter skjema.

Det regnar meir og meir, det har byrja å skumre, og av og til kjem eit kraftig vindkast. Det store spørsmålet er om det har dauda heilt ut i omnen når Ragnhild kjem heim. Vindaugsviskarane verkar berre på full fart, og den bakre starta plutseleg av seg sjølv. Ragnhild aner ikkje kva knapp ho kan ha vore borti.

Når ho bremsar ned for å ta av frå fylkesvegen og byrje på den lange bakken opp mot huset, veltar posen med varene. Fyrst hamnar pakken med Kornmo Original på golvet, så kjem appelsinane og det andre etter. Ho høyrer at det knasar.

I det lengste håpar ho at ikkje bilen til Hjalmar står i tunet. Ragnhild kunne tenkt seg å snakke litt med Olav og Tor utan han til stades. Men det fyrste ho ser, er den grøne Mazdaen til Hjalmar. Det byrjar å bli litt i meste laget, men korleis seier ein til folk at ein synest dei må komme litt sjeldnare på besøk? Nemner ho det for Olav, vert han berre sint.

Ragnhild stoppar bilen og legg merke til at døra til vedhuset er open og står og svingar att og fram i vinden. Ho går rett bort for å sjå kva dette er for noko. Fyrst sjekkar ho kroken som skal halde døra på plass, og augeskruen han skal nedi, om han kan ha losna, men alt ser fint ut. Ho slår på lyset og skjøner med ein gong at det har vore folk her og teke feil ved. Eg har sagt til dei at veden til høgre berre skal liggje og tørke, seier ho til seg sjølv. Ragnhild skal til å snu seg og gå tilbake til bilen då ho høyrer noko som freser. Ho blir ståande og myse inn i den delen av vedhuset der det er som mørkast.

– Hallo? seier ho og får ei kjensle av å ikkje vere åleine.

Ingen svarer, men før Ragnhild klarer tenkje noko meir, ser ho konturane av noko som kjem flygande. Ho blir treft i brystet og andletet, mister brillene og ramlar bakover og ut i regnet. Ragnhild kjenner klør i kinna, får panikk og skrik og veiftar med armane. Det svir, og blodet piplar ut.

Framhald

Frank Tønnesen

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Tomt for ved (5)

På veg ut av butikken treffer Ragnhild dessverre Haldis, som ho ikkje har sett snurten av på år og dag. Det kjennest ikkje rett å berre strene forbi, så ho seier hei. Haldis ser ut som ho alltid har gjort, og stiller seg opp slik at ho står i vegen for andre folk som skal inn i butikken.

Ho har ingenting positivt å komme med, verken frå eige eller andre sitt liv, så det er lite som har endra seg der i garden. Ho emjar om kor fælt det var at mannen til syster til Ragnhild strauk med for tre år sidan, og det var det jo, men det verkar mest som om ho ser på det som hennar store oppgåve her i livet å minne seg sjølv og andre på triste ting. Haldis snakkar framleis irriterande lågt, slik at Ragnhild må konsentrere seg for å forstå kva ho seier.

Etter noko som verkar som ei æve, klarer ho endeleg kome seg frå. Ragnhild set posen med varene i passasjersetet og startar bilen. Ho sjekkar nøye til både høgre og venstre og gjev gass slik at bilen skyt ut frå parkeringsplassen. Tyngda av posen med varene gjer at alarmen som seier frå at setebeltet må festast, pip og blenkjer. Ragnhild ensar det ikkje, berre køyrer på, for no ligg ho etter skjema.

Det regnar meir og meir, det har byrja å skumre, og av og til kjem eit kraftig vindkast. Det store spørsmålet er om det har dauda heilt ut i omnen når Ragnhild kjem heim. Vindaugsviskarane verkar berre på full fart, og den bakre starta plutseleg av seg sjølv. Ragnhild aner ikkje kva knapp ho kan ha vore borti.

Når ho bremsar ned for å ta av frå fylkesvegen og byrje på den lange bakken opp mot huset, veltar posen med varene. Fyrst hamnar pakken med Kornmo Original på golvet, så kjem appelsinane og det andre etter. Ho høyrer at det knasar.

I det lengste håpar ho at ikkje bilen til Hjalmar står i tunet. Ragnhild kunne tenkt seg å snakke litt med Olav og Tor utan han til stades. Men det fyrste ho ser, er den grøne Mazdaen til Hjalmar. Det byrjar å bli litt i meste laget, men korleis seier ein til folk at ein synest dei må komme litt sjeldnare på besøk? Nemner ho det for Olav, vert han berre sint.

Ragnhild stoppar bilen og legg merke til at døra til vedhuset er open og står og svingar att og fram i vinden. Ho går rett bort for å sjå kva dette er for noko. Fyrst sjekkar ho kroken som skal halde døra på plass, og augeskruen han skal nedi, om han kan ha losna, men alt ser fint ut. Ho slår på lyset og skjøner med ein gong at det har vore folk her og teke feil ved. Eg har sagt til dei at veden til høgre berre skal liggje og tørke, seier ho til seg sjølv. Ragnhild skal til å snu seg og gå tilbake til bilen då ho høyrer noko som freser. Ho blir ståande og myse inn i den delen av vedhuset der det er som mørkast.

– Hallo? seier ho og får ei kjensle av å ikkje vere åleine.

Ingen svarer, men før Ragnhild klarer tenkje noko meir, ser ho konturane av noko som kjem flygande. Ho blir treft i brystet og andletet, mister brillene og ramlar bakover og ut i regnet. Ragnhild kjenner klør i kinna, får panikk og skrik og veiftar med armane. Det svir, og blodet piplar ut.

Framhald

Frank Tønnesen

Fleire artiklar

Kjønnsfilosof Judith Butler

Kjønnsfilosof Judith Butler

Foto: Elliott Verdier / The New York Times / NTB

EssaySamfunn

Feltnotat frå kulturkrigane

Kjønnsdebatten har innteke hovudscena i internasjonal politikk. På veg for å intervjue verdas mest innflytelsesrike kjønnsfilosof, Judith Butler, forsøker eg å orientere meg i ein raskt ekspanderande konflikt. 

Ida Lødemel Tvedt
Kjønnsfilosof Judith Butler

Kjønnsfilosof Judith Butler

Foto: Elliott Verdier / The New York Times / NTB

EssaySamfunn

Feltnotat frå kulturkrigane

Kjønnsdebatten har innteke hovudscena i internasjonal politikk. På veg for å intervjue verdas mest innflytelsesrike kjønnsfilosof, Judith Butler, forsøker eg å orientere meg i ein raskt ekspanderande konflikt. 

Ida Lødemel Tvedt
HumorFeature
May Linn Clement

Klagemodus

Kor lite skal til for at eg seier frå eller klagar?

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Forsvarsminister Bjørn Arild Gram er på turné for å fortelje om langtidsmeldinga for Forsvaret. Her besøkjer han ubåten «KMN Utvær» i Bergen 10. april.

Foto: Paul S. Amundsen / NTB

ForsvarSamfunn
Per Anders Todal

Vil ruste opp ei lekk skute

Regjeringa lovar eit historisk forsvarsløft. I dag slit Forsvaret med å halde på mannskapet som alt er der.

Khamzy Gunaratnam (Ap)

Khamzy Gunaratnam (Ap)

Foto: Vidar Ruud / NTB

HelseSamfunn
PernilleGrøndal

Avfeiar abortkritikk frå KrF

– Det kvinner treng, er rettleiing og oppfølging, ikkje å møte i nemnd, seier Kamzy Gunaratnam (Ap).

Songlerka hekkar på bakken, langt frå skog. Biletet syner godt den vesle fjørtoppen som vert reist opp dersom fuglen opplever fare eller er opphissa.

Songlerka hekkar på bakken, langt frå skog. Biletet syner godt den vesle fjørtoppen som vert reist opp dersom fuglen opplever fare eller er opphissa.

Foto: Sveinung Lindaas

DyrFeature

I dirrande lerkeposisjon

Er det sant at songlerka «jublar høgt i sky»?

Naïd Mubalegh
Songlerka hekkar på bakken, langt frå skog. Biletet syner godt den vesle fjørtoppen som vert reist opp dersom fuglen opplever fare eller er opphissa.

Songlerka hekkar på bakken, langt frå skog. Biletet syner godt den vesle fjørtoppen som vert reist opp dersom fuglen opplever fare eller er opphissa.

Foto: Sveinung Lindaas

DyrFeature

I dirrande lerkeposisjon

Er det sant at songlerka «jublar høgt i sky»?

Naïd Mubalegh

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis