– Eg er imot alle religionar, ikkje berre islam
GÖTEBORG: Den egyptiske forfattaren og feministen Nawal al-Saadawi er like opprørsk som ho alltid har vore.
Den egytiske forfattaren Nawal El Saadawi har vorte kalla den viktigaste forfattaren i den arabiskspråklege verda.
Foto: Bokmessa i Göteborg
Den 86 år gamle forfattaren går knallhardt ut mot alle religionar, men forsvarar statskuppet i Egypt. Under den kvite hårprakta er ho likevel ikkje like rak i ryggen som før, og ho treng støtte nedover trappene i foredragssalen på bokmessa i Göteborg. Heller ikkje augo er så gode som dei var, men når ho tek ordet, er ho kvikk, klar og humoristisk, som om ho skulle vera ein 25-åring med eit langt og innhaldsrikt liv bak seg.
Internasjonalt er Nawal al-Saadawi kjend som aktivist og feminist, og ho er omtalt som arabarverdas Simone de Beauvoir. Seinare denne månaden fyller ho 87 år, men alderen er ikkje til hinder for lange reiser for den nobelprisnominerte forfattaren.
For nesten tretti år sidan – i 1989 – vitja ho bokmessa i Göteborg. Også den gongen vart ho motteken som ein internasjonal autoritet, og på reiser kringom i verda har ho vorte møtt på same vis. Men på spørsmål om kva ho er mest kry av, er svaret at ho framleis er i stand til å reisa.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
