Frigjering frå fanatismen
Forfattar og kunstnar Odd Marakatt Sivertsen skildrar ein oppvekst med læstadiansk fanatisme i den sjølvbiografiske romanen Galskapens farge.
Biletkunstnaren Odd Marakatt Sivertsen skildrar ein oppvekst med religiøs fanatisme i ein ny sjølvbiografisk roman.
Foto: Ottar Fyllingsnes
Marakatt Sivertsen vaks sjølv opp i eit læstadiansk miljø i Kåfjord i Troms.
– Der fanst det ikkje alternativ til ein fordømmande og straffande gud. Borna fekk høyra talar som var mynta på dei vaksne, og det gjorde dei rett og slett sjuke, seier Sivertsen.
I dag bur han på Nannestad. Der dyrkar han både målar- og skrivekunsten, og utpå hausten kjem han med ny roman om ein oppvekst prega av religiøs fanatisme.
– Sjølv måtte eg studera teologi på Menighetsfakultetet midt på 1970-talet for å få ting klarare og finna større forståing i livet, fortel Sivertsen.
Han har òg studert kristendom og kunne ha vorte ordinert til prest om han hadde ønskt det.
– For meg var det viktigaste å kunna få klarleik i den religiøsiteten eg vaks opp i, seier biletkunstnaren, som har arbeidd som lektor på Eidsvoll og Ullensaker.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
