Italiensk mafiafeide
Innanriksministeren i Italia trugar med å ta politivernet frå den kjende forfattaren Roberto Saviano.
Den kjende forfattaren Roberto Saviano går knallhardt ut mot innanriksministeren i Italia. Den kjende forfattaren Roberto Saviano går knallhardt ut mot innanriksministeren i Italia.
Foto: Luca Bruno / AP / NTB scanpixFoto: Luca Bruno / AP / NTB scanpix
I 2006 gav Saviano ut romanen Gomorra, som handlar om mafiaen i Napoli. Boka var ein stor suksess, og i Italia vart det selt 1,3 millionar eksemplar. Gomorra vart sett om til mange språk, og Saviano vart ein av dei mest kjende italienske forfattarane. Boka er filmatisert, og det er laga fjernsynsserie av henne. Sidan har Saviano skrive om den internasjonale kokainhandelen.
Boka om mafiaen førte til at Saviano fekk drapstrugsmål, og det vart så gale at han måtte ha politivern. Men trass i trugsmåla har Saviano valt å ha ein høg profil, og han har vorte ei kjend røyst i den italienske samfunnsdebatten. Han har spalte i avisa L’Espresso og er ofte å sjå på fjernsynet og offentlege arrangement. Han har vore ein engasjert intellektuell.
I det siste har Saviano kome med kraftige åtak på innanriksminister Matteo Salvini og innvandringspolitikken han fører. Blant anna har han hevda at statsråden ikkje tek det alvorleg nok når små born misser livet når dei freistar å ta seg over Middelhavet.
«Dårleg italienar»
Saviano skriv blant anna i The Guardian, og nyleg skreiv han at Italias krig mot migrantane har fått han til å frykta for framtida til landet. Det er ikkje så lenge sidan Italia fekk ei høgrepopulistisk regjering, og Saviano har vore ein av dei hardaste kritikarane, blant anna av innanriksminister Salvini. Dette har ført til at statsråden meinte det var på tide å sjå på Savianos politieskorte på nytt som ein del av gjennomgangen av Italias pengebruk. Salvini viste til at Saviano ofte er i utlandet, og at alvoret i trugsmåla mot forfattaren må vurderast. Leiaren for det høgreeksteme partiet Fratelli d’Italia, Giorgia Meloni, har skulda Saviano for å vera ein «dårleg italienar» som «går til åtak på fedrelandet frå ei loftslelegheit i New York».
Harde skuldingar
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
