Bok
Krim frå Lillegraven
Etter suksess med både dikt, roman, biletbøker og drama, prøver Ruth Lillegraven seg med krimroman denne hausten.
Ruth Lillegraven gjev redaktør Aslak Nore i Kagge forlag æra for å ha sett henne på rett krimspor.
Foto: Paal Audestad
Ho debuterte med dikt i 2005, og nokre år seinare fekk ho ein liten pris for romanen «Mellom oss». I 2013 fekk ho Brageprisen for diktsamlinga «Urd». I tillegg har ho gjeve ut fleire biletbøker for born, og i vår debuterte ho som dramatikar med teaterstykket «Cally», som vart sett opp på Det Norske Teatret, og rosa av kritikarane.
Denne hausten gjev ho ut kriminalromanen «Alt er mitt» på Kagge forlag.
Til Bok og samfunn fortel Lillegraven at boka handlar om Clara og Haavard, som bur på Oslos vestkant. Han er barnelege på Ullevål sykehus, og ho er jurist i Justisdepartementet. Fleire personar i innvandrarmiljøet vert funne drepne, og dette verkar inn på ekteparet.
Ruth Lillegraven arbeidde i fleire år i Samferdsledepartementet, og Clara er ein sterk statssekretær frå Vestlandet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
