Litteratur
Med den monumentale boka Sjøfareren Erika Fatland gitt oss eit uvant, og skremmande, perspektiv på europeisk kolonialisme.
Foto: Agnete Brun
Portugal var faktisk først av dei europeiske kolonisatorane og la under seg land og øyar i Afrika og Austen. Eit litt gløymt imperium kallar forfattaren denne historia, for det er Nederland og især England dei fleste ser føre seg når europeisk kolonialisme kjem på tale. Land for land, nesten øy for øy i det tidlegare imperiet, har Fatland besøkt for å danne seg eit bilete av kva portugisarane gjorde, og kva dei har late etter seg.
Det første ho gjorde, var å lære seg språket. Både for å kunne lese kjelder på portugisisk og for å kommunisere direkte med folk.
– Arbeidet har teke meg til 29 land i fire verdsdelar, og 20 av dei er nemnde i boka. Til saman har eg vore tolv månader på reisefot, spreidd over to år. I tillegg kjem lange opphald i Portugal. Det har vore ei kraftfull reise, frå dei mest underutvikla landa i verda til nokre av dei rikaste.
– Du har tidlegare skrive bøker frå den oppløyste Sovjetunionen. Korleis var det å bevege seg inn på eit nytt geografisk område?
– Svært lærerikt. For meg var dette ein heilt ny del av verda, og eit heilt nytt felt, historisk sett. Eg byrja så å seie på null og fekk ei bratt læringskurve. Til meir eg har lært, til meir oppslukande har det blitt. Boka er den mest omfattande eg har skrive, både i sidetal, reisedøgn og tal på land. Størstedelen av boka handlar om Afrika, for det var der portugisarane på 1400-talet byrja ekspansjonen sin.
– Du har vore gjennom litt av kvart for å kunne skrive denne boka?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
